Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бакыда Һәзрәт Фатимеjи-Зәһра(с.ә)-нын сәадәтли виладәтинин илдөнүмү ҝүнү тәдбири кечирилиб.
Бакыда мөминләрин иримигjаслы иштиракы илә Әзиз Ислам Пеjғәмбәри(с.ә.с)-ин гызы Һәзрәт Фатимеjи-Зәһра(с.ә)-нын сәадәтли виладәти вә Аналар Ҝүнү мүнасибәти илә мөһтәшм шәнлик тәдбири кечирилиб.
Сәһәр Беjнәлхалг Телевизиjасынын мәлуматына ҝөрә, өтән ҝеҹә шам вә хыфтән намазларындан сонра Иранлыларын Бакыдакы Әһли-Беjт (ә) һүсеjниjjәсиндә кечирилән бу мәрасимдә Азәрбаjҹан Республикасы халгынын мүхтәлиф күтләләри иштирак едибләр.
Ширни паjламаг вә мөвлудиjjәләрин охунмасы бу мәрасимин програмларындан олуб.
Вәлиjjи Фәгиһин Азәрбаjҹан Республикасындакы нүмаjәндәси Һөҹҹәтүлислам Вәлмүслимин Оҹагнежад етдиjи чыхышында Һәзрәт Зәһра(с.ә)-нын фәзиләтләрини бәjан едәрәк деjиб: О бөjүк вә нурлу гадын тәкҹә гадынлар деjил, кишиләр үчүн дә өрнәк вә үлҝү һесаб олунур.
Һөҹҹәтүлислам Вәлмүслимин Оҹагнежад мөминләр вә һәгигәт ардынҹа оланларын о әзиз ханымын нурундан jарарланмалары вә онун сәҹиjjәви шәхсиjjәтиндән өрнәк ҝөтүрмәләрини вурғулаjыб.
Диггәт: Хәбәрдән истифадә етдикдә мәнбәjә истинад лазымдыр
