Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагын Сәлаһәддин әјаләтинин мәркәзи олан Тикрит шәһәри вәһши террорчу үнсүрләрдән азад едилдикдән сонра, Ираг Силаһлы Гүввәләри вә халг күтләсиндән ибарәт Көнүллү Дәстәләр 2014 –ҹү илин Ијун ајында вәһшиҹәсинә Шәһадәтә јетирилән Ираглыларын күтләви мәзарларыны ашкарлады.
Гејд едәк ки, Ијун ајынын 12-си, 2014-ҹү илдә “ИШИД” адлы террорчу бирләшмә тәкҹә Спајкер Тәлим Дүшәрҝәсиндә тәһсил алан 1700 Ираглы тәләбәни оғурлајараг, Тикритдә күтләви сүрәтдә Шәһадәтә јетириб, бир чохларынын ҹәсәдләрини Дәҹлә чајына атмышдыр.
Аллаһсыз вәһһаби террорчулары төрәтдикләри ҹинајәт актыны лентә алараг сосиал шәбәкәләрдә дә јајымламышлар.
Билдирәк ки, Спајкер ҹинајәт һадисәсинин гурбанлары 22 јашы тамам олмамыш вә курсларыны баша чатдырмамыш ҹаванлардан ибарәт олуб. Онлар гәфилдән сәләфи азғынларына әсир дүшәрәк күтләви сүрәтдә гәтлә јетирилмишдирләр. Бәзи мәнбәләрин билдирдијинә ҝөрә исә, Спајкер дүшәрҝәсинин бәзи тәләбәләри бу ҝүнә кими “ИШИД” террорчуларынын әлиндә әсир галмагда давам едир.
Ираг Силаһлы Гүввәләри илә Көнүллү Дәстәләр һәмчинин Тикритин мәркәзиндә јерләшән “Президент Сарајлары” мәнтәгәсиндә Спајкер һадисәсинә аид даһа 10 күтләви мәзарлыг ашкарлајыблар.
Ираг Силаһлы Гүввәләри илә Көнүллү Дәстәләрин ҹәһдләри сајәсиндә Тикрит азад едилдикдән сонра, “ИШИД”- ин төрәтдији ҹинајәтин јерләри ашкарланараг, Көнүллү Дәстәләр тәрәфиндән һәмин јердә, үзәриндә Ја Һүсејн! кәлмәси јазылмыш, гырмызы рәнҝли бөјүк бир бајраг санҹылды.
Спајкер Тикритин шималында јерләшән Ираг Һава Гүввәләринә аид базалардан биридир. Бу база гәдим әјјамдан Ирагын ән мүһүм һәрби базасы сајылыб. Империалист Америка Бирләшмиш Штатлары 2003 ҹү илдә Ирагы ишғал етдикдән сонра, гејд олунан һәрби базаны Фарс Көрфәзи савашында АБШ-ын өлдүрүлмүш илк пилоту Спајкер адына гојмушдур.
Диггәт: Хәбәрдән истифадә етдикдә мәнбәјә истинад лазымдыр
