Сәфир: "Јәмәндә реал олараг нә гәдәр азәрбаjҹанлынын jашадығы мәлум деjил"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Јәмәндәки һадисәләрлә бағлы Азәрбаjҹанын Сәудиjjә Әрәбистанындакы сәфирлиjинә мүраҹиәт едән олмаjыб
Буну АПА-jа ачыгламасында Азәрбаjҹанын Сәудиjjә Әрәбистанындакы сәфири, Јәмәндә дә аккредитә олунмуш Расим Рзаjев деjиб. О билдириб ки, сәфирликдә рәсми шәкилдә Јәмәндә jашаjан 3 нәфәр геjдиjjатдан кечиб: "Онлар Әдәндә jашаjыр. Јәмәндә вәзиjjәт ҝәрҝинләшәндә биз онлара мүраҹиәт етдик. Онлар вәзиjjәтин сабит олдуғуну, чыхмаг истәмәдикләрини дедиләр".
Сәфирин сөзләринә ҝөрә, Азәрбаjҹан тәрәфи бир нечә дәфә Јәмән Хариҹи Ишләр Назирлиjинә орада jашаjан азәрбаjҹанлыларын рәсми геjдиjjата алынмасында көмәк ҝөстәрилмәси хаһиши илә мүраҹиәт едиб. Р. Рзаjев һазырда Јәмәндә реал олараг нә гәдәр азәрбаjҹанлынын jашадығы барәдә мәлуматын олмадығыны сөjләjиб.
Дипломат геjд едиб ки, Јәмәндә вәзиjjәтин даһа да писләшәҹәjи һалда Түркиjәнин һәмин өлкәдәки сәфирлиjинә азәрбаjҹанлыларын өлкәдән чыхарылмасы ишиндә көмәк етмәләри барәдә мүраҹиәт олунмушду: “Лакин Түркиjә өз сәфирлиjинин фәалиjjәтини даjандырды. Инди Русиjанын бу өлкәдәки сәфирлиjи илә данышыглар апарылыб. Онлар һәр ҹүр көмәjә һазыр олдугларыны билдирибләр”.
Диггәт: Хәбәрдән истифадә етдикдә мәнбәjә истинад лазымдыр