Крал оғлу Јәмәнә тәҹавүзә команданлыг едир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Әрәбистанын мүдафиә назири вә бу өлкә кралынын оғлу Мәһәммәд Бин Салман Јәмәнә тәҹавүзә шәхсән башчылыг едиб
Сәһәр Беjнәлхалг Телевизиjасынын мәлуматына ҝөрә, Әл-Әрәбиjjә телеканалы Јәмәнә тәҹавүз әмәлиjjаты "Кәскин Туфан" әмәлиjjатынын команданлыг мәркәзиндән кадрлар jаjымлаjараг билдириб: Фарс көрфәзинин әтрафында jерләшән 5 әрәб өлкәси Јәмәнә гаршы әмәлиjjатда иштирак едиб.
Бу видеода еләҹә дә Әрәбистан вәлиәһди Мәһәммәд Бин Наифин "Кәскин Туфан" әмәлиjjат мәркәзинә бахыш кечирмәси әкс олунуб. Белә ки, Әрәбистан вәлиәһди бу мәркәзин мүхтәлиф һиссәләри вә ишчиләри илә jахындан таныш олуб.
Сәудиjjә Әрәбистаны режими ордусунун гырыҹы тәjjарәләри 10 өлкәнин, о ҹүмләдән Оман истисна олмагла Фарс Көрфәзи Әмәкдашлыг Шурасына үзв өлкәләрин иштиракы илә өтән ҝеҹә Јәмәнин мүхтәлиф бөлҝәләри, о ҹүмләдән Сәна шәһәринә һүҹумлара башлаjыблар. Һүҹумлар нәтиҹәсиндә индиjә гәдәр онларла нәфәр һәлак олуб, бир груп да jараланыб.
Диггәт: Хәбәрдән истифадә етдикдә мәнбәjә истинад лазымдыр