Ирагчы: Јекун анлашма һәр ики тәрәф үчүн сынаг предметини өзүндә әкс етдирмәлидир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Иран хариҹи ишләр назиринин мүавини вә нүвә мүзакирә һеjәтинин үзвү Сеjид Аббас Ирагчы деjиб: Јекун анлашма һәр ики тәрәф үчүн сынаг предметини өзүндә әкс етдирмәлидир.
Сәһәр Беjнәлхалг Телевизиjасынын мәлуматына ҝөрә, Иранын һәрәкәтләринин сынагдан кечирилмәси вә әлавә нәзарәтләри гәбул етмәсинә даир АБШ президентинин сон ачыгламасына реаксиjа верән Сеjид Аббас Ирагчы билдириб: Әҝәр анлашма әлдә олунарса, һәр ики тәрәф үчүн һәрәкәтләрин сынағы вә исбатыны өзүндә еһтива етмәлидир.
"Проблемләр, суаллар вә jаланчы ниҝаранлыглары нәзәрә алараг, биз Иранын нүвә програмы барәдә әлавә етимадын jарадылмасы үзрә һазырлығымызы елан етдик, гаршылығында исә нүвә програмына зәманәтин верилмәси вә санксиjаларын ләғвини тәләб едирик" -деjә Ирагчы әлавә едиб.
Ирагчы сөjләjиб: Истәнилән анлашма мүнасиб вә мүвазинәтли олмалыдыр вә ҝери гаjытмағын гәбул едилмәси һәр ики тәрәф үчүндүр. Биз һәмишә бу мүзакирәләрдә принсипә риаjәт етмишик.
Барак Обаманын "Иран һәлә дә мүзакирәләрдә лазыми имтиjазы вермәмишдир" сөзләринә реаксиjа верән Ирагчынын сөзләринә ҝөрә, мүзакирәләрдә имтиjаз вермәjи гәрара алмамышыг, хүсусилә дә бизим тәрәфимиздә. Биз етимада әсасланан атмосфери jаратмаға чалышырыг. Мүзакирәләрдә мәгсәд, зәнҝинләшдирилмәнин вә Иранын нүвә програмынын танынмасы вә санксиjаларын ләғв едилмәсидир.
Ирагчы әлавә едиб: Һазырда һәссас шәраитдәjик. Лазыми анлашмаjа чатмаг үчүн зәрури мәсәлә гаршы тәрәфин координасиjасыдыр. Тәәссүфләр олсун ки, сон мүзакирәләрдә бу координасиjа jох иди. Әҝәр координасиjа вә ирадә оларса, анлашмаjа чатмаг мүмкүндүр.
Диггәт: Хәбәрдән истифадә етдикдә мәнбәjә истинад лазымдыр