Ингилаб Рәһбәри: Дүшмәнләрин Ирана гаршы игтисади тәзjигләри сиjаси характер дашыjыр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ислам Ингилабынын Бөjүк Рәһбәри Мәшһәд шәһәриндә билдирибләр: Дүшмәнләримиз ачыг шәкилдә билдирирләр ки, игтисади тәзjигләрдә мәгсәдләри сиjаси һәрәкәтдир.
Һәзрәт Аjәтуллаһулузма Хаменеи бу ҝүн баһарын илк ҝүнүндә Имам Рза(ә)-ын һәрәминдә зәвварларын әзәмәтли топлусундакы чыхышларында билдирибләр ки, санксиjа дүшмәнләрин тәзjиг ҝөстәрмәк саһәсиндә jеҝанә васитәләридир. Мәгсәдләри будур ки, халгы Ислам Гурулушунун гаршысында гоjсунлар.
О Һәзрәт әлавә едибләр: Америка тәзjигин әсас амилдир. Америкалылар ачыг шәкилдә деjирләр ки, халгы етираз етмәjә тәһрик едирләр. Асиjанын гәрбиндә мисилсиз олан өлкәмизин тәһлүкәсизлиjини һәдәфә алыблар. Өлкәмизин шималы, ҹәнубу, гәрби вә шәргиндә jерләшән өлкәләрдә мөвҹуд олмаjан бизим тәһлүкәсизлиjимизи позмаг вә арадан ҝөтүрмәк истәjирләр вә бунун үчүн планлара маликдирләр.
Бөjүк Ингилаб Рәһбәри Америка президентинин Новруз баjрамы мүнасибәтилә вердиjи мүраҹиәтә ҹаваб олараг, деjибләр: Барак Обаманын Новруз мүраҹиәтиндән белә чыхыр: Бизим диктәмизлә сизин игтисадиjjатыныз чичәкләнә биләр, амма бу бахыш әсла нәтиҹәjә чатмаjаҹаг. Биз һамымызын ортаг нәзәримиз олан Мүгавимәт игтисадиjjатыны ҝүҹләндирмәлиjик.
Ингилаб Рәһбәри чыхышларынын диҝәр бир һиссәсиндә деjибләр: Санксиjалар һәрчәнд бизә проблемләр jарадыбдыр, лакин бу санксиjалар бизим үчүн фүрсәтдир.
О һәзрәт сонра сөjләjибләр: Американын реҝиондакы сиjасәти әмин-амансызлыг jаратмагдыр. Америка вә онларын тәшкилатлары ислами оjаныш гаршысында әкс-һүҹума кечибләр вә реҝион халгларыны чарәсиз етмәк истәjирләр, бу исә бизим һәдәфләримизин әксинәдир.
Ингилаб Рәһбәри нүвә мүзакирәләри мәсәләсинә тохунараг, билдирибләр: Биз бу мүзакирәләрдә jалныз нүвә мәсәләси барәдә данышырыг вә реҝион мәсәләләри әсла Америка илә мүзакирәләрин предмети деjил.
Диггәт: Хәбәрдән истифадә етдикдә мәнбәjә истинад лазымдыр