Һаҹы Абҝүл Сүлеjманов әмәлиjjат олунуб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Һаҹы Абҝүл Сүлеjманов әмәлиjjат олунуб
Хәбәр вердиjимиз кими мүбариз руһани Һаҹы Абҝүл Сүлеjманов Әдлиjjә Назирлиjинин Пенитенсиат Хидмәтинин мүалиҹә мүәссисәсинә ҝөндәрилиб
Бу ҝүн исә руһани әмәлиjjат олунуб.
Бу һагда руһанинин һәjат jолдашы Зәһра Сүлеjманова мәлумат вериб. Онун сөзләринә ҝөрә, Һаҹы Абҝүл Сүлеjманов 16 ҝүндүр хәстәликдән әзиjjәт чәкирмиш: "Һаҹы бағырсағында хәстәлик пеjда олуб. Лакин 8 саjлы һәбсханада лагеjдлик ҝөстәрибләр. Сонра дахили мүалиҹә мүәссисәсинә ҝөндәрилб. Лакин Һаҹынын вәзиjjәти дүзәлмәк әвәзинә писләшиб. Ганында зәһәрләнмә олуб вә баш ҝиҹәлләнмәләри артыб. Бундан сонра Пенитенсиарын Мәркәзи мүалиҹә мүәссисәсиндән һәким ҝәлиб, ону мүаjинә едиб. Һәким дәрһал онун көчүрүлмәсини тәләб едиб. Һаҹы дүнән ахшам саатларында Пенитенсиарын Мәркәзи мүалиҹә мүәссисәсинә көчүрүлүб. Бу ҝүн сәһәр саатларында исә әмәлиjjат олунуб вә дүз бағырсағын ән ашағы һиссәсиндә селикли гишанын алтында jерләшән веноз дамар тохумасынын чиркләнмәсинин гаршысы алыныб. Һазырда Һаҹынын сәһһәти jахшылашмаға доғру ҝедир, лакин һәким нәзарәтиндә сахланылыр. Бир мүддәт мүалиҹә олунмалы вә бәдәни ҝүҹләнмәлидир." Зәһра Сүлеjманова Пенитенсиарын Мәркәзи мүалиҹә мүәссисәсиндә һәкимләрин она jахшы мүнасибәт бәсләдиjини геjд едәрәк: "Һаҹы Бәjалы докторун адыны чәкди вә она өз тәшәккүрүнү билдирди." деjиб.
Диггәт: Хәбәрдән истифадә етдикдә мәнбәjә истинад лазымдыр