Доктор Мөвсүм Сәмәдовдан јени хәбәр: “Һәр бир азәрбајҹанлынын рифаһа говушмасы үчүн һәр кәс мәсулијјәт дашыјыр”

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ШӘРЛӘНӘРӘК һәбсә салынан Азәрбајҹан Ислам Партијасынын Лидери Доктор Һаҹы Мөвсүм Сәмәдовла бағлы јени хәбәрләрин јајылдығы билдирилир.

Белә ки, вәкил Анар Гасымлынын билдирдијинә ҝөрә, узун сүрән фасиләдән сонра Гобустан һәбсханасында мүвәккили илә, ҝөрүшә билиб.

Бу һагда İslaminsesi.org сајтына мүсаһибә верән вәкил Ислам Партијасынын Лидеринин сәһһәти, руһијјәси, данышдыглары илә бағлы суаллары әтрафлы ҹавабландырыб:

- Һаҹы Мөвсүмлә ҝөрүш сизә неҹә тәсир бағышлады, руһијјәси, сәһһәти гајдасындадырмы?

- Дүнән нәһајәт ки, Һаҹы Мөвсүмлә ҝөрүшә билдим. Үмуми - әһвал руһијјәси барәдә ону дејә биләрәм ки, һәбсханаја салынмасы, гапалы шәраитдә сахланылмасы она сөзсүз ки, пис тәсир ҝөстәрир. Сәһһәтини исә орта гијмәтләндирмәк олар нә пис, нә јахшы, нә дә критик демәк олмаз.

Әсас проблеми информасијасыз галмасыдыр, мүвәккилим орада һеч бир гәзет ала билмир, өлкәдә вә дүнјада баш верән просесләр барәдә мәлумат ала билмир. Аилә үзвләриндән башга диҝәр шәхсләрлә телефон данышыгларына иҹазә верилмир. Әсас шикајәтләри бу ики һалдан ибарәтдир.

Бу һәбсхана билирсиниз ки, гапалы јердир, орда ән сәрт, ән ағыр режм мөвҹуддур. Мәсәлән, 11 сајлы вә 12 сајлы ҹәза мүәссисәләриндән гат-гат ағыр шәраитли бир һәбсханадыр, ҝүндәлик һәјат тәрзи ҝүн әрзиндә 1 саат ҝәзинтинин олмасыдыр. Јанында исә ҹәми бир мәһбусдан башга һеч кәс јохдур.

- АИП сәдри сизин васитәнизлә һансы месажлары ҹатдырды?

- Һаҹы Мөвсүм бүтүн халгымызы, диндарлары, дост вә јахынлары онун адындан саламламағы хаһиш етди
вә билдирди ки, әдаләтин бәргәрар олмасы үчүн мүбаризә зәрури бир амилдир. Бу мәсәләдә һәр бир азәрбајҹанлынын рифаһа говушмасы үчүн һәр кәс мәсулијјәт дашыјыр.

Ејни заманда бејнәлхалг тәшкилатлара мүраҹиәт едәрәк, Азәрбајҹандакы сијаси мәһбусларын азадлыға чыхмасы јөнүндә сәјләрин артырылмасыны тәләб етди.
Һаҹы Мөвсүм һәмчинин Азәрбајҹан халгыны Новруз бајрамы мүнасибәти илә тәбрик едәрәк белә бир тәбрик ҝөндәрди:

“Бу ҝүнләр һәм дә Ханым Зәһранын (с.ә) шәһадәти ҝүнләридир. Гәлбиндә Әһли-бејт мәһәббәти олан һәр бир инанҹлы инсан бајрам ҝүнләринин севинҹиндән даһа чох Аллаһын бу уча мәгамлы шәхсијјәтинин кәдәрли шәһадәт тарихини гејд едир.

Мән дә өз адымдан башда Зәманәмизин имам Меһди (ә.ф) олмагла бүтүн мүсәлманлара өз башсағлығымы әрз едирәм.

Һәмчинин Азәрбајҹан халгыны новруз бајрамы мүнасибәти илә тәбрик едирәм. Тәбиәт аләминдә баһарын ҝәлиши һәјатымызы өз нәсими алтында гәрар версин, иншаллаһ. Бу баһарын ҝәлиши илә илаһи сәадәтә јетишә биләҹәјимиз баһарымызы дәрк едә биләк. Имам Заман Ағанын (ә.ф) мүбарәк нәзәрләри алтында тезликлә бүтүн проблемләримиз һәллини тапсын, хүсусән дә Гарабағ проблемини һәлл едә биләк“.

- Али мәһкәмә илә бағлы вәзијјәт нә јердәдир?

- Биз чалышырдыг ки, Апеллјасија мәһкәмәсиндә онун Гобустан һәбсханасына ҝетмәсинин гаршысыны ала биләк вә сонрадан Али мәһкәмәдә просеси давам етдирәк. Амма билдијиниз кими, бу ҹәһдләримиз нәтиҹә вермәди вә ону Апеллјасија мәһкәмәсиндән сонра дәрһал Гобустана ҝөндәрдиләр.

Авропа мәһкәмәсиндә иш үзрә коммуникасија мәрһәләси артыг битиб. Биз бунунла бағлы мүнасибәтимизи билдирмишик.

Артыг гәрары ҝөзләјирик, нәтиҹәнин нә олаҹағыны јахын ҝәләҹәкдә биләҹәјик.



Диггәт: Хәбәрдән истифадә етдикдә мәнбәјә истинад лазымдыр