Јәһуди вә христиан иргчиләри Болгарыстанда нөвбәти Мәсҹидә һүҹум чәкибләр

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ики ҝүн өнҹә намәлум јәһуди вә христиан иргчиләри тәрәфиндән Болгарыстанын Благојевград шәһәриндәки Мәсҹид һүҹума мәруз галыб.

Белә ки, ҹүһүд вә христиан иргчиләри өлкәдә азлыгда олан Мүсәлманлара тәзјигләри артырараг донузун кәсилмиш ајаг вә үрәјини Аллаһын Еви Мәсҹидин гапысы ағзында атыблар.

Болгрыстан медиаларынын билдирдијинә ҝөрә, һадисә Болгарыстанын Османлы Империјасынын тәркиб һиссәсиндән христиан дөвләти үнванында “азад олмасы” ҝүнүнүн 137-ҹи ил дөнүмүндә баш вериб. Һадисәнин белә бир ҝүнсә баш вермәси мәһз ону ҝөстәрир ки, бу ишдән һәдәф Мүсәлманлары тәһгир етмәк олуб.

Гејд едәк ки, тәкҹә Болгарыстанын Благојевград шәһәриндә артыг бир нечә һәфтәдир ки, Мүсәлманлара гаршы бир нечә зоракылыг вә тәһгиредиҹи актлары гејдә алыныб. Белә ки, Благојевград шәһәринин Мүсәлманлары јәһуди вә христиан иргчиләринин налајиг рәфтарларына етираз әламәти олараг шәһәрин ана хијабанында аксија тәшкил едибләр. Аксијада иштирак едән Благојевград шәһәринин хејли сајда Мүсәлман күтләси “Исламофобијаја Сон” вә “Иргчилик Јох олсун” кими шүарлар сәсләндирибләр. Етираз аксијасында һәмчинин бәјанат јајаымланараг Болгарыстан вәтәндашларына верилиб вә онлардан иргчилик сијасәтләри гаршысында мүгавимәт ҝөстәрмәләри тәләб олунуб.

Хатырладаг ки, јәһуди вә христиан иргчиләринин Благојевград шәһәриндәки Мәсҹидә гаршы ҹнајәт акты елә бир заманда баш вериб ки, ики һәфтә бундан өнҹә Болгарыстанын Ислами Мүфтилији өлкәдә Мәсҹид вә Мүсәлманлара гаршы ҹинајәт актларынын систематик сүрәтдә баш вермәсиндән өз ниҝәранчылығыны билдирмишдир.



Диггәт: Хәбәрдән истифадә етдикдә мәнбәјә истинад лазымдыр