Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Чад һәрби гүввәләри билдириб ки, Ниҝеријанын Гарамбо шәһәри јахынлығында террорчу Боко Һарам үнсүрләринә гаршы апарылан ҝенишмигјаслы әмәлијјатларда 200 сәләфини дармадағын едиб.
Чад һәрби гүввәләри анти-террор әмәлијјатларла бағлы јајымладығы мәлуматда билдириб: “Гарамбо шәһәри јахынлығында ҝедән дөјүшләрдә 1 һәрбичимиз һәлак олмуш даһа 9 һәрбичимиз исә мүхтәлиф дәрәҹәли бәдән хәсарәтләри алараг јараланмышдыр”.
Гејд едәк ки, Чад Республикасы, Мәркәзи Африка дөвләтләриндән биридир. Пајтахты Нҹамена шәһәридир. Өлкәнин дәнизә чыхышы јохдур. Гәрбдә Ниҝер, Ниҝерија вә Камерун, ҹәнубда Мәркәзи Африка Республикасы, шәргдә Судан вә шималда Ливија илә һәмсәрһәддир.
Әһалинин 60 %-ни Мүсәлманлар, 30 %-ни христианлар, 7 %-ни анимизм вә 3 %ни исә јерли инанҹлар тәшкил едир.
Диггәт: Хәбәрдән истифадә етдикдә мәнбәјә истинад лазымдыр
