Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Февралын 28-дә Гафгаз Мүсәлманлары Идарәсиндә Азәрбаjҹан Республикасы Дини Гурумларла Иш үзрә Дөвләт Комитәсинин рәһбәрлиjи илә бирҝә мүшавирә кечирилиб
ГМИ-нин Мәтбуат Хидмәтиндән ФактХәбәр-ә верилән мәлумата ҝөрә, һәр ики гурумун рәһбәрләри вә Мәркәзи апаратларынын иштиракы илә кечән ҝөрүшдә дөвләт-дин мүнасибәтләринин инкишаф етдирилмәси истигамәтиндә ҝөрүлмүш ишләр вә нәзәрдә тутулан тәдбирләр мүзакирә едилиб. ГМИ-нин сәдри Шеjхүлислам А. Пашазадә вә Дөвләт Комитәсинин сәдри Мүбариз Гурбанлы өз чыхышларында дини иҹмаларын фәалиjjәтинин даһа да тәкмилләшдирилмәси jөнүндә тәклифләрини диггәтә чатдырыб, иҹмаларын геjдиjjаты вә дини вәзифәләрә тәjинат мәсәләләри, һабелә милли-мәнәви, әнәнәви дини дәjәрләрин тәблиҝи вә инкишаф етдирилмәси иштигамәтиндә ҝөрүләҹәк ишләр барәдә мәлумат верибләр.
Ҝөрүшдә ГМИ сәдринин Ы мүавини Мүфти Салман Мусаjев, ГМИ сәдринин мүавини, Бакы Ислам Университетинин ректору Сабир Һәсәнли, ГМИ Елми-Дини Шурасынын сәдри академик Васим Мәммәдәлиjев вә АР Дини Гурумларла Иш үзрә Дөвләт Комитәсинин сәдр мүавини Ҝүндүз Исмаjылов чыхыш едәрәк дини иҹмаларын фәалиjjәти илә бағлы мәсәләләрдән данышыблар. Чыхышларда гурумлар арасындакы әмәкдашлыг вә ишбирлиjиндән разылыг ифадә олунмуш, мәсләһәтләшмәләр вә мәшвәрәтләрин әһәмиjjәтли олдуғу хүсуси вурғуланыб.
Ҝөрүшдә ГМИ сәдри вә Дөвләт Комитәсинин сәдри тәдбирдә иштирак едән дин хадимләринин суалларыны ҹавабландырыб вә ирәли сүрүлән тәклифләрә мүнасибәт билдирибләр. Конструктив сәпҝидә кечән ҝөрүшдә ГМИ-нин Газылар Шурасынын үзвләри, бөлҝәләр үзрә сәлаһиjjәтли нүмаjәндәләри иштирак едибләр.
Диггәт: Хәбәрдән истифадә етдикдә мәнбәjә истинад лазымдыр
28 fevral 2015 - 13:45
Xəbər kodu: 673849
Февралын 28-дә Гафгаз Мүсәлманлары Идарәсиндә Азәрбаjҹан Республикасы Дини Гурумларла Иш үзрә Дөвләт Комитәсинин рәһбәрлиjи илә бирҝә мүшавирә кечирилиб
