Мәрзиjә Әфхәм Ҹон Керринин иттиһамларыны әксинә jөнәлтди

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Хариҹи Ишләр Назирлиjи сөзчүсү Мәрзиjjә Әфхәм, АБШ Дөвләт Катиби Ҹон Керринин, "Иранын Јәмәнә мүдахилә етдиjи" истигамәтиндәки ачыгламаларына реаксиjа ҝөстәриб

Иран Хариҹи Ишләр Назирлиjиндән jаjымланан бәjанатда Мәрзиjә Әфхәмин адындан Керринин Иранын Јәмән һөкумәтинин деврилмәсинә көмәк етдиjи истигамәтиндәки ачыгламалары һаггында, "Бәjанатлар өз ҝүнаһыны башгасына jүкләмә шәклиндәки мүдафиә механизмдән башга бир шеj деjил вә АБШ-лы сиjасиләрин даһа әввәл вердикләри ачыгламаларла да үст-үстә дүшмүр" ифадәси ишләдилиб.
"Иранын әсас принсипинин халгларын өз талеләрини өзләринин тәjин етмәси" олдуғуну дилә ҝәтирән Әфхәм, ачыгламасында белә деjиб: "Бүтүн тәрәфләр Јәмән халгынын өз мүгәддәратыны тәjин етмәсинә иҹазә вермәли вә өлкәдәки бүтүн механизмләр халгын ирадәсинә әсасланан олмалыдыр. Јәмәндәки сиjаси просесләрә кәнардан һәр һансы мүдахилә бөһранын давам етмәсинә сәбәб олаҹаг вә өлкәдә сиjаси сабитлиjин тәмин олунмасына мане олаҹагдыр. Һәр ҹүр хариҹи мүдахилә, бу өлкәнин шәртләрини даһа да гарышыг бир һала салаҹагдыр".
 
Хатырладаг ки, АБШ Дөвләт катиби Ҹон Керри дүнән Сенатын Тәсисатлар Комитәсиндә чыхышында, Јәмәндә Һусиләрин һакимиjjәти әлә кечирмәсинә вә һөкумәтин деврилмәсинә Теһранын jардым етдиjини сөjләмиш вә "Иранын мүбаһисәсиз шәкилдә буна төһфә вердиjини дүшүнүрәм" демишди.
Диггәт: Хәбәрдән истифадә етдикдә мәнбәjә истинад лазымдыр