Иран Ислам Республикасы: “7 дәгигәjә Тел Әвиви мәһв едәрик”

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иранын дини лидери Аjәтуллаһ Әли Хамнеjинин Ингилаб Кешикчиләри Корпусундакы али нүмаjәндәси Һөҹҹәтүлислам Мүҹтәба Зүлнур Исраилә сәрт месаж вериб.

ҝенерал Исраилин хырда сәһвинин она баһа баша ҝәләҹәjи хәбәрдарлығыны едиб:
“Сионист режим (Исраил) бир сәһв етсә, он дәгигәдән дә гыса бир мүддәтдә Тел Әвиви jох едәрик”.
Иран Радио вә Дөвләт Телевизиjасы нәздиндә фәалиjjәт ҝөстәрән Журналистләр Клубуна данышан Һөҹҹәтүлислам Зүлнур бу сөзләри Исраил Хариҹи Ишләр назири Авигдор Либерманын Иранын нүвә стансиjаларынын вурулмасы илә бағлы сөзләринә ҹаваб олараг билдириб:
“Сионист режим дөjүшү газанаҹағына инансаjды, бу ҝүнү сабаһа тәхирә салмаз, ҹәһд едәрди. Анҹаг буна ҝүҹләри чатмаз. Онлар jалныз горху jаратмаға чалышырлар, һеч бир шеj едә билмәзләр. Сионист режим шансыны сынамаг истәсә вә Ирана ракет һүҹуму етмәк хәjалына дүшсә, о мәрминин тозу-думаны торпагларымыза чатмаздан әввәл бизим ракетләримиз 6-7 дәгигәjә Тел Әвивин үрәjинә чатараг сионист режими jох едәр вә имамын (Ингилаб лидери Аjәтуллаһ Хомеjни) әмрини реаллашдырмыш оларыг. Сионистләр горхагдырлар. ҺӘМАС илә баҹара билмирләр. ҺӘМАС илә Һизбуллаһын ҝүҹү Иранын һәрби ҝүҹүнүн кичик бир һиссәсинә бәрабәрдир”.
Хатырладаг ки, Авигдор Либерман Исраил телевизиjасына вердиjи мүсаһибәдә Иранын нүвә фәалиjjәти мөвзусунда Баш назир Нетанjаһуну тәнгид едәрәк “Вураҹагсан вур, данышма”, - ифадәләрини ишләтмишди.
Диггәт: Хәбәрдән истифадә етдикдә мәнбәjә истинад лазымдыр