Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Албанијанын шималында јерләшән вә Аллаһсыз атеист режиминин дағыдыҹы дөнәминдән сағ чыхан Куршунлу адына Мәсҹид артыг 20 илдир ки, тәбии фәлакәтләр нәтиҹәсидә виран олмаг тәһлүкәси илә үзләшиб. Белә ки, Албанијада пајыз, гыш вә баһар фәсилләриндә баш верән јағынтылар, дашгынлар нәтиҹәсиндә Мәсҹид ҝөлмәчә дахилинә гәрг олур вә узун мүддәт су Мәсҹидин кәнарына һәта бәзән дахилинә јығылыр. Лакин бүтүн бунлара бахмајараг Мүсәлманлар Мәсҹидин гапысынын ағзына тахта көрпү чәкәрәк Ҹүмә Намазларыны бурада гылырлар.
Кечмиш советләр иттифагынын дағылмасы вә режимин тәтбиг етдији 70 ил гадағаларындан сонра, 1991-ҹи илдә илк дәфә олараг Ҹүмә Намазы мәһз Куршунлу Мәсҹидиндә гылыныб. Буна ҝөрә дә, Куршунлу Мәсҹиди Албанијада Ислам символуна чеврилиб.
Билдирәк ки, 1773-ҹү Милади илиндә тикилән Куршунлу Мәсҹиди бөјүк тарихә мәхсусдур. Һәмчинин Мәдәни бир ирс кими Үмүмдүнја Ислам Мәдәнијјәтинин Мирасы сијаһысына салыныб. Албанија дөвләти Мәсҹидин горунуб сахланмасына һеч бир әһәмијјәт јетирмәсә дә, лакин Ислами Тәшкилатлардан бири Мәсҹидин бәрпасы ишләрини өһдәсинә ҝөтүрүб.
Гејд едәк ки, Пајтахт Тирана илә Шкодерин арасы 1,5 саат тәшкил едир. Өлкәнин ән бөјүк дағларындан олан Алп дағлары Шкодердә јерләшир. Шәһәрин 100 мин әһалиси вар. Балканларын ән бөјүк ҝөлү олан Шкодер- Сакдар ҝөлү дә бу шәһәрдә јерләшир. Ҝөлүн јарысы Албанија, јарысы исә Монтенегро әразисинә дүшүр.
Шкодер әһалисинин 60 фаизи Мүсәлманлардыр. Шкодер ејни заманда католик албанларын даһа сых мәскунлашдығы шәһәрләрдән биридир.
Хатырладаг ки, Албанијанын шималында католикләр, ҹәнубунда исә проваславлар јашајырлар. Мүсәлманлар исә өлкәнин бүтүн бөлҝәләринә јајылыб.
Диггәт: Хәбәрдән истифадә етдикдә мәнбәјә истинад лазымдыр
