Пенитенсиар Хидмәтинин М. Сәмәдовун мәрһум атасынын јас мәрасиминдә иштирак етмәсилә мүхалифәтчилији ганунсуздур

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Ислам Партијасы партијанын Лидери Доктор Мөвсүм Сәмәдовун атасы мәрһум Мәрдан Сәмәдовун јас мәрасиминдә иштиракына иҹазә верилмәси илә бағлы Әдлијјә Назирлији Пенитенсиар Хидмәтинә үнванладығы мүраҹиәтинин ганеедиҹи ҹавабландырылмадығыны мәһкум едиб.

Бу барәдә етираз бәјанаты јајымлајан Азәрбајҹан Ислам Партијасы билдириб:

“Азәрбајҹан Ислам Партијасынын сәдри Һаҹы Мөвсүм Сәмәдовла бағлы мүраҹиәтинә Әдлијјә Назирлији Пенитенсиар Хидмәтинин ҹавабы ганеедиҹи сајыла билмәз. Өнҹә ону билдирмәлијик ки, үмумијјәтлә М. Сәмәдов шәрләнәрәк ганунсуз 12 иллик һәбс ҹәзасына мәһкум едилиб. Онун әмәлиндә һеч бир ҹинајәт тәркиби олмадығы һалда ән ағыр иттиһамларла һәбсханаја салыныб.

М. Сәмәдовун атасы Мәрдан Сәмәдовун јас мәрасиминә гатылмасы илә әлагәдар АИП-ин мүраҹиәтини нәзәрә алмајан Пенитенсиар Хидмәтин ҹавабы нәинки ганунсуз һәбсә мәруз галанын һүзн мәрасиминдә иштиракыны тәмин етмәјин ганунсуз олдуғуна истинадән ганеедиҹи дејил, ејни заманда бу јанашма ментал хүсусијәтләримизә зиддир, һәм дә һуманизмдән чох узагдыр. Бүтүн һалларда мәһбусун өз әзизләринин һүзн мәрасиминдә иштиракыны тәмин етмәк бизҹә һеч бир проблем төрәтмир.

Биз Пенитенсиар Хидмәтин ҹавабыны һуманизм идејаларындан кәнар һесаб едир, буну гәрәзли мөвге кими гијмәтләндиририк.

Бир даһа нәзәрә чатдырмалыјыг ки, Мәрдан Сәмәдовун  дүнјасыны дәјишмәси илә бағлы АИП мәрһумун бирҹә оғлу олан Мөвсүм Сәмәдовун атасынын һүзнүндә иштиракыны тәмин етмәк үчүн Пенитенсиар Хидмәтдән шәраитин јарадылмасыны истәмишди. ӘН ПХ-дән ҝәлән ҹавабда исә бунун гејри-гануни олмасы ҝөстәрилмәклә мүмкүнсүзлүјү гејд едилмишди.


Азәрбајҹан Ислам Партијасы

17.02.2015



Диггәт: Хәбәрдән истифадә етдикдә мәнбәјә истинад лазымдыр