Тәjjарә гәзаjа уғрады: 20 өлү, 15 jаралы, 24 иткин

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Таjванда АТР-72 тәjjарәсинин гәзаjа уғрамасы нәтиҹәсиндә өләнләрин саjы 20 нәфәри кечиб
Гәза нәтиҹәсиндә 15 нәфәр мүхтәлиф дәрәҹәли хәсарәт алыб, 24 нәфәр иткин һесаб олунур.
Билдирилир ки, тәjjарә һаваjа галхдыгдан бир нечә дәгигә сонра чаjа дүшүб. Диспетчерләрин дедиjинә ҝөрә, тәjjарә һаваjа галхдыгдан дәрһал сонра пилот үч дәфә һәjәҹан сигналы вериб. Еjни заманда, аданын мүлки авиасиjа идарәси гәзанын сәбәбләринин һәлә мәлум олмадығыны билдирир.
Артыг Таjванда гәзаjа уғраjан тәjjарәнин гара гутулары тапылыб. Онларын мәлуматларынын тәһлилинә jахын саатларда башланаҹаг.
Геjд едәк ки, кечән илин иjул аjында да Таjванда еjни компаниjаjа мәхсус аналожи тәjjарә гәзаjа уғрамышды. Пенху адасында пис һава шәраитиндә тәкрар ениш ҹәһди заманы тәjjарәнин jашаjыш евләринә чырпылмасы нәтиҹәсиндә 49 нәфәр һәjатыны итирмишди.
Диггәт: Хәбәрдән истифадә етдикдә мәнбәjә истинад лазымдыр