Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн хариҹи дөвләтләрдән ҝәтиздирләрәк Ирага сохулмуш сәләфи јараглылары Амиријјә илә Фәллуҹә шәһәрләри јахынлығындакы Зәбу мәнтәгәсиндә әсир тутдуглары ики Шиә әскәрини едам едибләр.
Сон ҝүнләр әрзиндә Ираг Силаһлы Гүввәләри вә халг күтләсиндән ибарәт Көнүллү Дәстәләр тәрәфиндән ағыр зәрбәләрә мәруз галараг ишғал етдикләри бөлҝәләрин хејли һиссәсиндән ҝери чәкилән гондарма “ИШИД” адлы террорчу груплашманын “Ҹәнуб Вилајәти” адлы ганады едамла бағлы ачыглама верәрәк билдириб: “Өтән ҝүн Ираг Силаһлы Гүввәләриндән әсир тутдуғумуз ики Шиә әскәрин башларыны кәсмәјимиз әһалинин севинҹинә сәбәб олуб.” (!)
Гејд едәк ки, сәләфи јараглылары ишғал етдикләри әразидә әсирләри ҝәздирдикдән сонра онларын башларыны кәсибләр.
Хатырладаг ки, сәләфи террорчуларынын бу аддымлары психоложи мүһарибәнин давамыдыр. Белә ки, сон ҝүнләр Ирагда рүсвајчы мәғлубијјәтләрлә үзләшән тәкфирчи јараглылары дүчар олдуглары руһи ҝәрҝинликләри азалтмаг мәгсәди илә, әсир тутдуглары һәр бир кәсин башын гәддарҹасына кәсәрәк, өзләрини мәғлубедилмәз кими гәләмә вермәјә чалышырлар. Елә вәһһаби ҹанаварларынын ики Шиә әсиринин башын кәсәрәк, сонра да кәсилмиш башларла күтлә арасына дахил олуб шәнләнмәкләри бунун ајдын ҝөстәриҹисидир.
Диггәт: Хәбәрдән истифадә етдикдә мәнбәјә истинад лазымдыр
