Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Әфганыстанын Һәрат әјаләтиндә кечирилән “Ислам Пејғәмбәринин Характери илә Танышлыг” олимпиадасында 7 миндән артыг тәләбә иштирак едиб.
Олимпиаданын мәсулларынын билдирдијинә ҝөрә, бу бпјүк програм Аллаһ Тәаланын ән шәрәфли мәхлугу, һәзрәти Муһәммәд Пејғәмбәрин (сәлләллаһу әлејһи вә алиһ) хатирәсини јашатмаг мәгсәди илә, һәјата кечирилиб. Програм ҝениш халг күтләси тәрәфиндән севнҹлә гаршыланыб.
Һәрат шәһәринин мәсул шәхсләри програм һагда данышараг билдирибләр ки, бу олимпиада Ислам Пејғәмбәринин (сәлләллаһу әлејһи вә алиһ) шәхсијјәтинә гаршы налајиг рәфтарлар едән гәрбдәки дүшмән үнсүрләрә лајигли ҹаваб иди.
Бөјүк Олимпиаданын тәшкилатчыларындан бири олан Мөвләви Осман Чешти билдириб: “Мүсабигәдә Ислам Пејғәмбәри һәзрәти Муһәмәд Мустәфанын (Аллаһын сәламы она вә аиләсинә даим назил олсун) рәфтар вә сүннәсинә даир 100 суал верилиб.”
Мөвләви Осман Чешти даһа сонра билдириб: “Гыз вә оғлан тәләбәләриндән ибарәт үст-үстә мин нәфәрдән чох олан олимпиада иштиракчыларына сонда 200 галибә пүшк атмаг јолу илә дәјәрли һәдијјәләр вериләҹәк.”
Гејд едәк ки, Олимпиада Имам Муһәммәд Ғәзали адына Иҹма вә Һәрат әјаләтинин бир груп дөвләт рәсмиләри тәрәфиндән дәстәкләнәрәк малијјә јардымлары илә тәмин едилмишдир.
Диггәт: Хәбәрдән истифадә етдикдә мәнбәјә истинад лазымдыр
