Аjәтуллаһ Систани Ираг халгынын сәjләрини алгышлады

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Аjәтуллаһ Систани Ираг халгынын сәjләрини алгышлады

Бәдр Тәшкилатынын баш катиби деjиб: Аjәутллаһ Систани Диjалә вилаjәтинин азадлығы истигамәтиндә ҝөстәрилән сәjләри алгышлаjыб.
Әл-Мәслә хәбәр порталынын мәлуматына ҝөрә, Бәдр Тәшкилатынын баш катиби Һади Әл-Амири базар ҝүнү билдириб: Диjалә вилаjәти стабилләшмишдир.
О, һәмчинин геjд едиб ки, Ирагын дини мәрҹәjи Аjәтуллаһ Систани инсанларын әмлакынын ҝүҹлү шәкилдә горунмасынын ваҹиблиjини мәсләһәт ҝөрүб.
Әл-Амири Диjалә вилаjәтиндә кечирилән мәтбуат конфрансында деjиб: Гардашларымдан бири диггәтими дини мәрҹә тәглиди Аjәтуллаһ Сеjид Әли Систанинин мүраҹиәтинә jөнәлтди. Бу мүраҹиәтдә Диjалә вилаjәтинин ИШИД террор груплашмасы үнсүрләриндән азад олунмасы үзрә орду вә көнүллү гүввәләрин сәjләри алгышланыр.
Диjалә вилаjәтиндә һәрби әмәлиjjата нәзарәт едән Әл-Амири билдириб: Диjалә һазырда стабилләшиб вә тәһлүкәсизлик гурумлары тәһлүкәсизлик ролуну оjнамалыдырлар. Чүнки бундан сонра һәрби рол jохдур.
Әл-Амири бөлҝәләрин партлаjыҹы маддәләрдән, мәнзилләрин гурашдырылмыш бомбалардан вә бағларын ИШИД үнсүрләриндән тәмизләнмәси просесинин сүрәтләндирилмәсини вурғулаjыб.
Диггәт: Хәбәрдән истифадә етдикдә мәнбәjә истинад лазымдыр