Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Узун мүддәт Русиjа илә Иран арасында давам едән С-300 ракетләри сөз-сөһбәти битмәк үзрәдир. Белә ки, Иран ордусу jени “Бавар-373” ракетләри илә тәҹһиз едиләҹәк. Билдирилир ки, ракет системинин сон сынаглары апарылыр вә jахын заманларда истисмары үчүн өлкәнин һава һүҹумундан мүдафиә бөлмәләринә тәһвил вериләҹәк.
Ракетин техники хүсусиjjәтләри барәдә данышан “Хатәмул-Әнбиjа” ҺҺГ-нин команданы, бригада ҝенералы Фәрзад Исмаили билдириб ки, зенит-ракет комплекси кичик, орта вә узаг мәнзилли ракетләри там шәкилдә зәрәрсизләшдирә билир. Бундан әлавә, С-300 ракетләриндән фәргли олараг систем 2 дәфә артыг - 100 һәдәфи изләмә габилиjjәтинә маликдир.
Геjд едәк ки, 2007-ҹи илдә әлдә олунан разылыға ҝөрә Русиjа өлкәjә ән азы 5 әдәд С-300 зенит ракет комплекси вермәли иди. Лакин Москва БМТ-нин гәтнамәсини бәһанә ҝәтирәрәрк, ракетләри тәһвил вермәкдән имтина етмишди.
Диггәт: Хәбәрдән истифадә етдикдә мәнбәjә истинад лазымдыр
