Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝеҹә, 22 Декабр 2014 тарихдә Иран Ислам Республикасынын Мүгәддәс Гум шәһәриндә јерләшән әл-Мустәфа (с) адына Бејнәлхалг Ислам Акадеијасында тәһсил алан Азәрбајҹан Республикасынын тәләбәләри бөјүк ислам Пејғәмбәри һәзрәти Муһәммәд ибн Әбдуллаһын (Аллаһын хүсуси салам, рәһмәт вә бәрәкәти она вә пак аиләсинә олсун), икинҹи Хәливә Имам Һәсән Муҹтәбанын (әлејһи сәлам) вә сәккизинҹи Хәлифә Иамам Рзанын (әлејһи сәлам) шәһид олдугларынын илдөнүмү мүнасибәти илә, әза мәрасими кечирдибләр.
“Муһәммәдин (с) Маарифи Ишығында” Иҹмасы вә Азәрбајҹан Тәләбәләри Шурасынын тәшкилатчылығы илә, кечирилән мәнәви мәрасимин апарыҹысы Һөҹҹәтүл Ислам Ширван Әлијев олуб.
Мәҹлис илк өнҹә Кәрбәлаи Пәрвин Мирзејивин ифасында Гуран Кәримин тилавәти илә, өз ишинә башлајыб.
Даһа сонра чыхыш үчүн сөз Гум Елми Һөвзәсинин Устады Һөҹҹәтүл Ислам вәл Муслимин ҹәнаб Абдуллаһијә верилиб.
Әзиз Ислам Пејғәмбәринин ҝөзәл сәҹијјәләриндән данышан хәтиб һәзрәти Муһәммәд Пејғәмбәрин (сәлләллаһу әлејһи вә алиһ) пејғәмбәрлијә тәјин олунмасынын әсас сәбәбини Әхлагын камилләшмәси олдуғуну дејиб.
Имам Һәсән Муҹтәба (әлејһи сәлам) вә Имам Рза (әлејһи сәлам) барәсиндә данышан Һөҹҹәтүл Ислам вәл Мүслимин Абдуллаһи ҹәнаблары билдирибләр ки, һәгиги Исламчы ҝеҹә вә ҝүндүз Имамлара јас сахлајыб мәрсијә охујан дејилдир... Илин бутун чағыны ағламаг да дүзҝүн дејил, неҹә ки, илин бүтүн чағыны ҝүлүб шәнләнмәк дә дүзҝүн дејилдир. Әсил Исламчы вилајәтә бағлы олан, өз рәһбәрини таныјыб онун ардынҹа ҝедәндир...
Даһа сонра Әһли Бејт (әлејһимус сәлам) мәддаһы Әрғәвани ҹәнаблары ҝөзәл сәси илә, розә охујараг, мәҹлис иштиракчыларыны кәдәрләндирди.
Мәрсијә дејилиб синә вурулдугдан сонра сонда бүтүн Мүсәлман аләми үчүн хош дуалар едилди.
Мәҹлисдә Азәрбајҹан тәләбәләри тәрәфиндән верилән хөрәкләр мәҹлис иштиракчыларына тәгдим олунду.
Диггәт: Хәбәрдән истифадә етдикдә мәнбәјә истинад лазымдыр
