Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мүгәддәс Кәрбәла шәһәриндә кечирилән Әрбәин мәрасими заманы 28 милјон кг-дан артыг тулланты јығылыб.
Кәрбәла шәһәринин бәләдијјәсинин мүдирләриндән бири Маҹид Наҹи Әрбәин мәрасими әрәфәсиндә зәвварлара ҝөстәрилән хидмәтләрин уғурла баша чатдығыны билдирәрәк дејиб ки, сон бир нечә ҝүн әрзиндә 28 милјон кг-дан артыг тулланты јығылыб.
О, даһа сонра Әрбәин әрәфәсиндә актив олан бәләдијјә ишчи гүввәләри һагда ачыглама верәрәк дејиб: “Кәрбәла әјаләти вә гоншу әјаләтләрдән 10 мин инсан гүввәси Кәрбәла бәләдијјәсинә ҹәлб олунараг шәһәрин тәмизлијини горујуб сахлајыблар”.
Маҹид Наҹи даһа сонра дејиб: “Әлбәтдә дедијим рәгәмдән әлавә хариҹи өлкәләрдән дә бизә тәмизлик ишләринә аид 10 мин ҹиһаз көмәк үчүн ҝөндәрилиб”.
Гејд едәк ки, Әрбәин әрәфәсиндә Кәрбәла шәһәринин бәләдијјә ишләринә нәзарәт етмәк Теһранын мери Муһәммәд Багир Галибафын өһдәсинә дүшмүшдүр.
Билдирәк ки, Иран Ислам Республикасы тәрәфиндән Теһранын мери Муһәммәд Багир Галибаф илә бирликдә үч мин нәфәр инсан гүввәси Кәрбәла шәһәринә ҝөндәриләрәк шәһәрин мүхтәлиф бөлҝәләриндә бәләдијјәнин иҹраи ишләриндә јардымчы олублар. Бу гүввәләрин әксәр гисмәтини көнүллүләр тәшкил едиб. Онлар үч нөвбәдә 24 саат әрзиндә ишләјәрәк Кәрбәла шәһәринин тәмизлијини горујуб сахлајыблар.
Теһранын Иҹра Һакими Муһәммәд Багир Галибаф вә онунла бирҝә Кәрбәлаја ҝөндәрилән үч мин ишчи гүввәсинин Сәфәр ајынын ахырларына кими Кәрбәла шһәринин тәмизлик ишләриндә јардымчы олараг галаҹаглары дејилир.
Диггәт: Хәбәрдән истифадә етдикдә мәнбәјә истинад лазымдыр
