Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн 22 Нојабр, 2014 тарихдә, Бәһрејндә Шиә мүхалифәтчиләри тәрәфиндән бирмәналы олараг бојкот едилмиш Хәлифә сүлаләсинин сифаришли парламент вә бәләдијјә сечкиләри кечирилиб.
Ишғалчы АБШ-ын сых мүттәфиги сајылан вә үмумиликдә ҹәми 713.349 нәфәр әһалиси олан Бәһрејндә кечирилән бу ҝүнкү сахта парламент вә бәләдијјә сечкиләри, Бәһрејн халг күтләсинин 2011-ҹи илдән башлајараг бу ҝүнә кими давам едән етиразлары дөнәминдә илк “сечки” сајылыр.
Гејд едәк ки, Шиә мүхалифәтчиләри вә Хәлифә режиминин әлејһинә олан бир чох вәтәндашлар сахта сечкиләри “Комедик сәһнә” адландырараг сечкиләрдә иштирак етмәкдән имтина етдикләрини ачыглајыблар.
Вифаг Ҹәмијјәтинин Баш Катиби Шејх Әли Салман бу һагда данышараг билдириб: “Вәһһабијөнлү Али Хәлифә режиминин силсиләвари һакимијјәтинә сон гојулмалыдыр. Әкс тәгдирдә Бәһрејн нөвбәти радикал етираз акасијалары илә үзләшәҹәк.”
Хатырладаг ки, бир нечә ҝүн өнҹә, Лондонда кечирилән Хәлифә сүлаләси режиминин мүхалифәтчиләринин мәтбуат конфрансында Бәһрејн парламентинин сабиг нүмајәндәси Ҹәлал Фируз вә Бәһрејнин Азадлығыны тәләб едән Доктор Сәид Шәһаби Али Хәлифә режиминин сифаришли илә кечириләҹәк парламент сесчкиләринин халг тәрәфиндән бајкот едилмәсинин сәбәбләрини ачыглајыб.
Сәбәб олараг билдирилиб ки, Али Хәлифә режиминин хәтәрли сијасәтләр јүрүдмәси, ҹәмијјәтин тәркиб һиссәсиндә дәјишиликләр апармасы етиразларын мәншәјидир.
Али Хәлифә режими тәрәфиндән ганунсуз олараг вәтәндашлыг һүгуглары ләғ едилән Ҹәлал Фируз вә Доктор Сәид Шәһаби конфарнсда тәкидлә билдирибләр: “Хәлифә сүлаләси чох ҝөзәл анлајыр ки, сифаришли парламент сечкиләриндә Бәһрејн халгы хүсуси илә дә, ҹәмијјәтин чохлуғуну тәшкил едән Шиәләр сечкини бајкот едиб иштирак етмәјәҹәкләр. Буна ҝөрә дә, мөвҹуд режим он минләрлә Сурија вә Әрәбистан тәкфирчиләринә ганунсуз олараг вәтәндашлыг вериб ки, сифаришли парламент сечкиләриндә иштирак етсинләр.”
Диггәт: Хәбәрдән истифадә етдикдә мәнбәјә истинад лазымдыр
