Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ИШИД террор тәшкилатына гошулдуғу билдирилән Бәрдә рајон сакини Суријада ҝедән дөјүшләрдә һәлак олуб.
Мәлумата ҝөрә, өтән ил Азәрбајҹанда фәалијјәти азад олан сәләфи радикал дини бирләшмәләрә гошулараг, дөјүшмәк үчүн Суријаја ҝедән Бәрдә рајон сакини Әлијев Етибар Кәрим оғлунун һәлак олдуғу илә бағлы аиләсинә мәлумат верилиб.
Онун һәлак олмасы һагда мәлумат јахынларына октјабрын 26-да бәлли олуб. Аиләси Е. Әлијевлә бағлы ҝениш һүзр мәрасими кечирмәсә дә, јахын гоһумларын иштиракы илә мәҹлис тәшкил едилиб.
Хәбәрдә о да билдирилиб ки, гондарма “ИШИД”-ин тәркибиндә Сурија вә Ирагда јерли Халг әлејһинә дөјүшләрдә иштирак едән Етибар Әлијев бу груплашмаја гошулмамышдан әввәл Дахили Ишләр Назирлијинин Бәрдә рајон Мүһафизә Полисинин әмәкдашы олуб.
Онун хидмәтдән имтина едәрәк, радикал вәһһабиләрә гошулмасынын сәбәби һагда исә һеч нә дејилмир.
Диггәт: Хәбәрдән истифадә етдикдә мәнбәјә истинад лазымдыр
