Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Октјабрын 30-да Нәсими Мәһкәмәсиндә Милли Шуранын үзвү, танынмыш зијалы Елдәниз Гулијевә гаршы нөвбәти мәһкәмә просеси кечирилиб. Просес заманы Е.Гулијевә гаршы һөкм чыхарылыб.
Мәһкәмә Елдәниз Гулијевә 480 саат иҹтимаи ислаһ ишләри үзрә һәбс ҹәзасы вериб. Һәмчинин о, мин манат ҹәримә олунуб. Бундан әлавә, гәрарда експертиза рәјинә ҝөрә, 140 манат пулун дөвләт бүдҹәсинә кечирилмәси дә өз әксини тапыб.
Һәмчинин, онун һаггында башга јерә ҝетмәмә һагда гәрар һөкм гануни гүввәјә минәнә гәдәр гүввәдә сахланылыб.
Гејд едәк ки, Елдәниз Гулијев бир мүддәт әввәл мәтбуатда вә сосиал шәбәкәләрдә Дахили Ишләр назири Рамил Усубова мүраҹиәт етмиш вә јол полиси илә бағлы мүәјјән негатив фикирләрини јазмышды. ДЈП һаггында ишләдилән ифадәләри тәһгир вә бөһтан олдуғуну һесаб едән Р.Усубов исә Нәсими Рајон Мәһкәмәсинә мүраҹиәт етмишди. Мәһкәмә Елдәниз Гулијевин 147.1 (тәһгир) вә 148-ҹи (бөһтан) маддәләри илә ҹинајәт мәсулијјәтинә ҹәлб олунмасы барәдә Рамил Усубов тәрәфиндән верилән хүсуси иттиһам гајдасында шикајәти иҹраата гәбул етмишди.
Диггәт: Хәбәрдән истифадә етдикдә мәнбәјә истинад лазымдыр
