Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Пресс ТВ-нин мүхбир әмәкдашы, Ливан әсилли мәрһум Серена Шим Түркијә дөвләтинин хәјанәтләрини ифша етдикдән сонра вә һәмчинин рәсми Анкаранын Кубани вә онун әтрафында топлашмыш чохмиллијјәтли гондарма “ИШИД” адлы террорчу груплашмаја гаршы сәрҝиләдији мәлум мөвгејини ашкар етдикдән сонра Шанлы Урфанын Суруч шәһәриндә гурама машын гәзасы шәклиндә дүнјасыны дәјишди.
Түркијә дөвләти Ејнул Әрәб – Кубани вә террорчу “ИШИД” груплашмасы һаггда икибашлы вә бәзән дә, јараглылара дәстәквериҹи мөвге сәрҝиләдији бир вахтда сосиал шәбәкәләрдә Түркијә һәрбичиләринин гондарма “ИШИД” адлы азғын террорчу груплашмаја вердији дәстәк һаггда видеочарх јајымланыб.
Видеочархда ҝөстәрилир ки, ики јараглы үнсүр Түркијә торпагларында Кубани гачгынларына аид фургон машына миндикдән сонра Түркијә - Сурија сәрһәдинә тәрәф јахынлашараг, мүәјјән јердә машындан дүшүрләр.
Гејд олунан јараглы үнсүрләр даһа сонра Түркијә Сәрһәд Гошунларынынкечид мәнтәгәсинә тәрәф силаһла јахынлашараг, гыса бир мүддәтдән сонра Түркијә Гошунларына аид зиреһли машын ҝәлир.
Илк өнҹә Түрк ордусундан ҝөзләнти бу олур ки, јараглылара гаршы әмәлијјата дахил олсунлар, лакин мәлум олдуғу кими террорчуларла Түрк ордусу арасында аз мүддәтли сәмими данышыглар ҝедир. Даһа сонра исә, јараглылар Түрк һәрбичиләри илә, сағоллашараг Түркијә сәрһәдчиләринин ҝөзү өнүндә Кубанидә гырғынлар төрәтмәк үчүн Сурија торпагларына дахил олурлар.
Видеочархын сонунда ҝөстәрилир ки, террорчулар әлләрини севинҹ рәмзи олараг Түрк һәрбичиләри үчүн ҝөјә галдырырлар. Түрк сәрһәдчиләри исә, онлара сәрһәди тез бир заманда кечмәкләрини ишарә едирләр.
Гејд едәк ки, Түркијә дөвләтинин бу һәрәкәти елә бир вахтада баш верир ки, Түркијә Күрдләри дәфәләрлә Кубанијә јардыма ҝетмәк истәдикдә рәсми дөвләт гадағасы илә үзләшибләр.
Диггәт: Хәбәрдән истифадә етдикдә мәнбәјә истинад лазымдыр
