Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русија Федерасијасы Коми республикасынын азәрбајҹанлы депутаты Акиф Сајадов һәбс едилиб.
Мәлумата ҝөрә, онун һәбсини РФ-нын республика үзрә Истинтаг Идарәси тәсдигләјиб.
Коми парламентиндән олан мәнбәнин мәлуматына ҝөрә, Сајадов бир сыра игтисади ҹинајәтләрдә, ән башлыҹасы исә бејнәлхалг терроризмин малијјәләшдирилмәсиндә шүбһәли билинир. Үмумрусија азәрбајҹанлылар конгресинин Коми бөлмәси артыг бу иттиһамлары абсурд адландырыб.
63 јашлы Акиф Кәрим оғлу Сајадов "Ухтанефтгазгеолоҝија"нын (УНГГ) баш директорудур. О, Нахчыванын Ҹулфа рајонунда доғулуб. 1974-ҹү илдә Азәрбајҹан дөвләт Нефт вә Кимја институтуну битириб. Комијә 1990-ҹы илин августунда Ухта дөвләт нефт вә газ кәшфијјаты үзрә ҝеоложи мүәсиссәнин дәвәти илә ҝәлиб. Акиф Сајадов бу ширкәтдә 2006-ҹы илә гәдәр ишләјиб. Һәмин илин мартында "Интанефт" ширкәтинин баш директору, сонра исә идарәчи директору вәзифәләриндә чалышыб. 2008-ҹи илин мајындан исә "Ҝеотех менеҹмент" һолдингинин Тимано-Печорски реҝионунда бизнесин ишкишафы үзрә директор ишләјиб вә бир мүддәтдән сонра УНГГ-ја гајыдыб.
2011-ҹи илин март ајында Интик вилајәтиндән депутат сечилиб.
Диггәт: Хәбәрдән истифадә етдикдә мәнбәјә истинад лазымдыр
