Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Октјабрын 29-да Гарабағ Азадлыг Тәшкилатынын үзвләри Зәнҝиланын ишғал ҝүнү илә әлагәдар Шәһидләр хијабаныны зијарәт едибләр.
Шәһидләрин руһларына дуалар охунуб, мәзарларына ҝүл гојулуб. Зијарәт иштиракчылары билдирибләр ки, торпагларымызын ишғалдан азад олунмасы үчүн апарылан данышыгларын һеч бир мәнасы јохдур, һәрби әмәлијјатлара башламаг лазымдыр.
Зијарәтдән сонра бир груп ГАТ үзвү БМТ нүмајәндәлијинә ҝедиб. Онлар нүмајәндәлијин рәһбәри илә ҝөрүшүб, Кәлбәҹәрдә ҝиров ҝөтүрүлмүш Дилгәм Әсҝәров вә Шаһбаз Гулијевин талеји илә бағлы мүраҹиәтләрини чатдырмаг истәјибләр. Нүмајәндәлијин рәһбәри ҝөрүшдән имтина едиб.
ГАТ сәдри Акиф Нағы билдириб ки, БМТ ҝировларын талејинә, ермәниләрин ҝировлар үзәриндә гурдуғу гондарма “мәһкәмә” просесинә мүнасибәт билдирмәли, мәсәләјә мүдахилә етмәли, ермәниләрин бу өзбашыналығына сон гојмалыдыр: “БМТ белә бир мәсәләдә һеч нә етмир, сејрчи мөвгедә галырса, онда онун бурада нүмајәндәлијинин дә фәалијјәтинә һеч бир еһтијаҹ јохдур”.
ГАТ сәдри бу мәсәлә илә бағлы аксијалар да кечирәҹәкләрини билдириб.
Гејд едәк ки, бу тәшкилат 1993-ҹү ил августун 27-дә јарадылыб, илк ады Гарабағ Азадлыг Һәрәкаты олуб, 2000- ҹи ил јанварын 28-дә кечирилән гурултајда адын индики формасы гәбул олунуб, јәни Гарабағ Азадлыг Тәшкилаты. Адындан да бәлли олдуғу кими бу тәшкилатын әсас мәгсәди тарихи торпағымыз Гарабағын азадлығыдыр. Тәшкилат "халг дипломатијасы" нын әлејһинәдир, һесаб едир ки, јалныз мүһарибә битдикдән сонра "халг дипломатијасы"ндан истифадә етмәк олар. Тәшкилат Гарабағ мәсәләсинин данышыглар јолу илә һәллинә инанмыр, мәсәләнин һәрби јолла һәлл едиләҹәји мөвгејиндәдир. Бу мәгсәдлә Тәшкилат "Гәләбә модели" адлы сәнәд һазырлајыб.
Диггәт: Хәбәрдән истифадә етдикдә мәнбәјә истинад лазымдыр
