Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ливанын шимал шәһәрләриндә үч ҝүн давам едән амансыз дөјүшләрдән сонра, Ливан Силаһлы Гүввәләри Траблос вә Укар шәһәрләринә нәзарәти там сүрәтдә бәрпа едә билибләр.
Һәр ики шәһрәдә сабитлик бәрпа олунуб. Фәрар етмиш вәһһаби террорчуларынын тәгиби заманы исә, ара бир атышма сәсләри ешидилир.
Ливан Ордусу һәмчинин үч ҝүн атышмадан сонра, Траблос шәһәринин шимал мәнтәгәси сајылан Тәбанә бөлҝәсинә нәзарәтини дә мөһкәмләдиб.
Уғурла һәјата кечән анти-террор әмәлијјат барәсиндә Ливан Ордусу бәјанат јајымлајараг билдириб ки, гаршыдурма заманы 162 јараглыны әсир тутмуш онларла террорчуну мәһв етмишдир.
Ливан Силаһлы Гүввәләри һәмчинин Ливанын шимал мәнтәгәсиндә ИШИД террорчу груплашманын әсас өзәји сајылан Фуад Ғејн, Муһәммәд Фа, Әһмәд Шин, Фәләстин сојлу Әнвар Ағаз, Әбул Һәдил ләгәбли Шаһин Син адлы хәтәрли террорчуларын һаммысынын һәбс едилдијини дә билдириб.
Хатырладаг ки, Одру Гүввәләри илә, вәһһаби азғынлары арасында дөјүшләрин шиддәтләнмәси мәһз ИШИД јараглы дәстәсинә ҹанлы гүввә ҹәзб едән бригаданын башчысы Шејх Сәлим Әһмәд Мигатинин һәбс едилмәсиндән сонра баш вериб.
Гејд олунан горхулу вә сабигәси мүәјјән олунмуш хәтәрли террорчу истинтаг заманы Ливанын шимал мәнтәгәләринин бир һиссәсинин ИШИД јараглылары тәрәфиндән ишғал едиләҹәјинә даһа сонра исә, мәнтәгә сакинләринин ИШИД-лә биәт едәҹәкләринә етираф едиб.
Диггәт: Хәбәрдән истифадә етдикдә мәнбәјә истинад лазымдыр
