Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Әрәбистанын шәргиндә јерләшән Гәтиф әјаләтинин Әвамијјә шәһәр сакинләри Сәуд режиминин Шиә Руһаниси Ајәтуллаһ Шејх Нимр Багирул Нимрә вердикләри өлүм һөкмүнә етираз әламәти олараг хијабанлар төкүлүшәрәк шүарлар сәсләндирибләр.
Әрәбистанын шәрг әјаләтләринин шәһәрләри, о ҹүмләдән Гәтиф шәһәри вә Тарут адасы да Али Сәуд режиминә гаршы кечирилән аксијаларын шаһиди олуб.
Хатырладаг ки, вәһһаби әгидәли Сәуд падшаһлыг режиминин пајтахты Ријазда јерләшән Хүсуси Ҹинајәт Мәһкәмәси өтән һәфтә Шејх Нимр Багирул Нимри едама мәһкум едиб.
Гејд едәк ки, Ајәтуллаһ Шејх Нимр Багирул Нимр Сәуди Әрәбистан Шиәләринин танынмыш алимләриндән биридир. О, 1959-ҹу илдә Гәтиф әјаләтинин Әвамијјә шәһәриндә руһани аиләдә дүнјаја ҝөз ачыб. Атасы Бәһрејнин әл-Иһса мәнтәгәсинин танынмыш Мүбариз Руһаниләриндән бири олуб вә дәфәләрлә Бәһрејн вәһһаби режими тәрәфиндән зиндана салыныб.
Шејх Нимр өз ибтидаи дини елми савадыны Атасындан өјрәндикдән сонра Һиҹри Гәмәри тарихи илә 1400-ҹү (милади тарихи илә 1980- ҹы) илдә Иран Ислам Республикасына ҝедәрәк мүгәддәс Гум вә Теһран шәһәрләринин Дини Елми Һөвзәләриндә Али Дини тәһсилә јијәләнәрәк, Суријаја ҝедиб тәһисилини орада давам етдирмишдир. О, Елми Һөвзәдә Илаһијјат Елмләри саһәси үзрә али биликә јијәләнмиш вә ИИР, Сурија Елми Һөвзәләриндә мүһүм мүәллимләрдән бири олмушдур. Ајәтуллаһ Нимр әл-Лүмәтүл Дәмәшгијјә, Ҹамиул Мәдарик, Мустәмсәку Үрвәтил Вусга, Шәһид Сәдрин Һәләгат кими елми китабларыны тәдрис етмишдир. Даһа сонра өлкәсинә гајыдан Шејх Нимр Әвамијјә шәһәриндә әл-Имамул Гаим – Имам Заман адына (Аллаһ онун шәрәфли зүһурун тезләшдирсин) Дини Мәркәз ачараг, рәсми фәалијјәтә башламышдыр.
Һәбси
Ајәтуллаһ Шејх Багирул Нимрин вәһһабиләр тәрәфиндән илк һәбси 2006-ҹы илдә мај ајында баш вериб. Белә ки, Бәһрејндә кечирилән Бејнәлхалг Гуран Кәрим Мүсабигәсиндән ҝери гајыдан Ајәтуллаһ Нимр Сәуд режимин полисләри тәрәфиндән һәбс едилиб.
Она гаршы сүрүлән гондарма иттиһамлар һаггда белә дејилир: “Шејх Нимр, Әрәбистан һөкүмәтиндән Бәги Гәбристанлығынын тәмир едилмәсини, Шиә мәзһәбини рәсми мәзһәб кими гәбул етмәсини, өлкәдәки мөвҹуд Тәһсил Системинин дәјишдирилмәсини вә јахуд ләғв едилмәсини тәләб едиб”.
Ајәтуллаһ Шејх Нимрин икинҹи дәфә һәбс едилмәси исә, 23 август 2008-ҹи илдә олуб.
Сионистјөнлү Сәудијјә Әрәбистанынын танынмыш Шиә алими Ајәтуллаһ Шејх Нимр Али Нимрин үчүнҹү һәбси исә, 8 ијул, 2012 тарихдә баш вериб. Белә ки, јерли вахтла 14:00 радәләриндә өз офисиндән евә ҝери дөндүкдә Шејх Нимрин автомобили вәһаби Сәуд режиминин полиси тәрәфиндән атәшә тутулмушдур. Атәш нәтиҹәсиндә јараланан Ајәтуллаһ Али Нимр автомобилин идарәетмәсини итирмиш вә автомобил дивара чырпылмышдыр. Даһа сонра Али Сәуд полиси ону јаралы олараг автомобилдән чыхартмыш вә полис машынына јерләшдирәрәк намәлум истигамәтә апармышдыр.
Билдирәк ки, Ајәтуллаһ Шејх Нимр Али Нимр халг арасында зүлм әлејһинә ингилабчы вә атәшли чыхышлары илә данышан бир Мүбариз Руһани кими таныныр.
Диггәт: Хәбәрдән истифадә етдикдә мәнбәјә истинад лазымдыр
