Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өзүнү “Азадлығын анасы” адландыран Франсада Һиҹабла бағлы проблем јашаныб. Белә ки, "Травиата 3" операсынын нүмајиши заманы Фарс көрфәзи өлкәләриндән бириндән ҝәлән нигаб тахан турист гадын салонда өн сыралардан бириндә отуруб. Лакин театр ишчиләри гадынын һүгугларыны кобуд шәкилдә позулараг, ону Бастилија операсындан говублар.
"France Press" аҝентлијинә ачыгламасында театрын директор мүавини Жан Филлип Тиллеј дејиб: “Актјорлардан бәзиләри һәтта гадына гаршы тәдбир ҝөрүләнә кими охумајаҹагларыны билдирдиләр”.
Инди Франсанын Мәдәнијјәт Назирлији театр, музеј вә диҝәр иҹтимаи јерләрдә баш өртүјүндән истифадә илә бағлы гајдалар һазырлајыр.
Гејд едәк ки, 2011-ҹи илин 11 апрелиндән етибарән Франсада инсан һаггларына кобуд шәкилдә зидд олан ганун гүввәјә миниб. Гануна әсасән иҹтимаи јерләрдә нигаб тахмаг гадағандыр. Үзү там бағлы вәзијјәтдә иҹтимаи јерләрдә ҝәзән гадынлар исә, 150 авроја кими ҹәримә өдәмәлидир.
Диггәт: Хәбәрдән истифадә етдикдә мәнбәјә истинад лазымдыр
