Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран вә Азәрбаjҹан, еләҹә дә онун лидерләри арасында достлуг вә гардашлыг мүнасибәтләри ҝетдикҹә даһа да jахшылашыр.
, буну Гафгаз Мүсәлманлары Идарәсинин (ГМИ) сәдри Шеjхүлислам Аллаһшүкүр Пашазадә Бакыда Иран Ислам Республикасынын Радио-Телевизиjа Тәшкилатынын сәдри Иззәтуллаһ Зәргамини гәбул едәркән деjиб.
ГМИ сәдри әввәлҹә геjд едиб ки, бу ҝүн бүтүн мүсәлман аләминин баjрамы - Гәдир-Хум баjрамы, Һз. Әлинин (ә.с) Мәһәммәд Пеjғәмбәрин (с.ә.а.с) давамчысы елан олундуғу ҝүндүр: "Она ҝөрә дә иранлы гонаглары бу баjрам мүнасибәтилә тәбрик едирик".
О, һәмчинин Иран Ислам Республикасынын али дини лидери Аjәтуллаһ Сеjjид Әли Хамнеjиjә Аллаһдан шәфалар диләjиб. Ә.Хамнеjинин улу өндәр Һеjдәр Әлиjевлә хош мүнасибәтләри олдуғуну хатырладыб, һәмчинин һазырда Президент Илһам Әлjевлә дә мүнасибәтләрин jүксәк сәвиjjәдә, достлуг вә гардашлыг сәвиjjәсиндә олдуғуну билдириб: "Мән севинирәм ки, ики өлкә вә онун лидерләри арасында бу достлуг вә гардашлыг мүнасибәтләри ҝетдикҹә даһа да jахшылашыр".
АПашазадә Ә.Хамнеjини Азәрбаjҹана дәвәт етдиjини, лакин бу сәфәрин баш тутуб-тутмаjаҹағы барәдә хәбәрсиз олдуғуну деjиб.
Шеjхүлисламын сөзләринә ҝөрә, һазырда Азәрбаjҹанла Иран арасында бүтүн саһәләрдә әлагәләр jүксәк сәвиjjәдәдир вә И.Зәргаминин бу сәфәри Иранла Азәрбаjҹан арасында әлагәләрин инкишафына дәстәк олаҹаг.
И.Зәргами дә өз нөвбәсиндә, Гәдир-Хум баjрамы мүнасибәтилә ГМИ сәдрини тәбрик едиб вә деjиб ки, А.Пашазадәнин ики өлкә арасында әлагәләрин jүксәк сәвиjjәдә олмасында хүсуси ролу вә әмәjи вар.
Онун фикринҹә, мүасир дүнjада Исламын олдуғу кими тәблиғ олунмасына еһтиjаҹ вар вә бу мәсәләдә КИВ-ләр хүсуси рол оjнамалыдыр. Бу ҝүн Иранда 160-а jахын радио вә телевизиjа гурумунун олдуғуну деjән И.Зәргами онларын 29 пеjк васитәсилә бүтүн дүнjаjа jаjылдығыны ачыглаjыб.
Онун сөзләринә ҝөрә, КИВ-ләр бу мәсәләдә сәһв jол тутарса, бунун зиjаны чох бөjүк ола биләр: "Бизим али дини лидеримиз дәфәләрлә мәнә деjиб ки, Ислам динини тәкҹә моизәләрлә чатдырмаг кифаjәт етмир. Бу мәсәләдә кинонун, телевизиjанын, радионун вә с. ролу чох бөjүкдүр".
Иран РТТ-нин сәдринин фикринҹә, дини саһәдә биликләр, Ислам дини инсанлара даһа чох вә дүзҝүн чатдырылса, инсанлар даһа jахшы jашаjарлар.
Диггәт: Хәбәрдән истифадә етдикдә мәнбәjә истинад лазымдыр
13 oktyabr 2014 - 12:18
Xəbər kodu: 644081
, буну Гафгаз Мүсәлманлары Идарәсинин (ГМИ) сәдри Шеjхүлислам Аллаһшүкүр Пашазадә Бакыда Иран Ислам Республикасынын Радио-Телевизиjа Тәшкилатынын сәдри Иззәтуллаһ Зәргамини гәбул едәркән деjиб.
