Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн Истанбулда Ислам Әмәкдашлыг Тәшкилатына бағлы бејнәлхалг гурум олан Диалог вә Әмәкдашлыг Уғрунда Ислам Конфрансы Ҝәнҹләр Форумунун (ИКҜФ) ЫЫ Баш Ассамблејасы өз ишинә башлајыб.
Ассамблејанын ишиндә Ислам Әмәкдашлыг Тәшкилатынын Баш Катиби Ијјаз әл-Мәдәни, тәшкилата ев саһиблији едән Түркијә Республикасынын һөкүмәт рәсмиләри, һәмчинин Ислам Әмәкдашлыг Тәшкилатынын 45 үзв-өлкәсини тәмсил едән нүмајәндә һејәтләри илә бәрабәр, гејриМүсәлман өлкәләриндә јашајан Мүсәлман азлыгларыны тәмсил едән апарыҹы бејнәлхалг тәшкилатларын нүмајәндәләри иштирак едир.
Ассамблејанин ачылыш мәрасими өз ишинә Гурани Кәримин сәсләндирилмәси илә башлајыб. Даһа сонра Форумун јаранмасындан кечән мүддәтдә фәалијјәтини әкс етдирән танытым филминин нүмајиши олуб.
Үч ҝүн әрзиндә давам едәҹәк Баш Ассамблејанын ҝүндәминдә јени үзв тәшкилатларын гәбулу, ИӘТ өлкәләри Ҝәнҹләр Назирләри 3-ҹү Конфрансы, мүнагишә зоналарында ҝәнҹләрин вәзијјәти, тәкфирчиликлә мүбаризә вә мәзһәбләрарасы јахынлашма, Ислам өлкәләри Ҝәнҹ Иш Адамлары Шәбәкәсинин инкишаф етдирилмәси, ҝәҹнләрин давамлы инкишафы үзрә лајиһәләр, ҝендер проблемләри вә с. мәсәләләрин мүзакирәси; гурумун 2015-2020 илләр үчүн Стратежи Фәалијјәт Планынын вә Истанбул Ҝәнҹлик Декларасијасынын гәбул едилмәси ҝозләнилир.
Диггәт: Хәбәрдән истифадә етдикдә мәнбәјә истинад лазымдыр
