ДЕВАММ: Мөвсүм Сәмәдовун һүгуглары бәрпа едилсин

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, ДЕВАММ: Мөвсүм Сәмәдовун һүгуглары бәрпа едилсин
"Аҹлыг етдиjини рәһбәрлиjә билдирмәк үчүн кағыз-гәләм истәjиб, вәкили вә омбудсманла ҝөрүш тәләб едиб. Һеч бир истәjи нәзәрә алынмаjыб"
Хәбәр верилдиjи кими, вәкил Анар Гасымлы октjабрын 2-дә 12 саjлы Ҹәзачәкмә Мүәссисәсиндә Азәрбаjҹан Ислам Партиjасынын лидери Мөвсүм Сәмәдовла ҝөрүшүб. Мөвсүм Сәмәдов 2011-ҹи илин jанварындан һәбсдәдир. О, 12 ил мүддәтинә азадлыгдан мәһрум олунуб.Партиjа лидери сентjабрын 18-дә 11 саjлы Ҹәзачәкмә Мүәссисәсиндән 12 саjлы мүәссисәjә көчүрүлүб. Һәмин ҝүн она 5, даһа сонра 7 суткалыг карсер ҹәзасы верилиб. Мөвсүм Сәмәдов карсердә аҹлыг елан едиб. Анар Гасымлы билдириб ки, Мөвсүм Сәмәдов карсердә сахландығы 12 ҝүн әрзиндә физики тәзjигләрә мәруз галыб. Аҹлыг етдиjини рәһбәрлиjә билдирмәк үчүн кағыз-гәләм истәjиб, вәкили вә омбудсманла ҝөрүш тәләб едиб. Һеч бир истәjи нәзәрә алынмаjыб.
Мөвсүм Сәмәдов аҹлығы һәлә дә давам етдирир. Тәләби одур ки, омбудсманла вә Беjнәлхалг Гызыл Хач Комитәсинин нүмаjәндәләри илә ҝөрүшүнә имкан jарадылсын. Еjни заманда һүгуг мүдафиәчиси Елчин Беһбудовла ҝөрүшмәк истәjир. Омбудсманла ҝөрүшә наил олмаjана гәдәр аҹлығы давам етдирәҹәjини билдирир.
Вәкил партиjа лидеринин сәһһәтиндә проблемләрин jарандығыны әлавә едиб: “Мөвсүм Сәмәдовун тәзjигиндә һәмишә проблемләр олуб. Аҹлыг етмәси тәзjигини ҝет-ҝедә ашағы салыр. Тәбии ки, бу да сәһһәтиндә ҹидди проблемләр jарадыр. Һеч бир һәким мүаjинәси апарылмаjыб. Она аҹлыг етдиjини рәсми гаjдада елан етмәjә имкан вермирләр ки, jанына һәким ҝөндәрилсин, нәзарәтә ҝөтүрүлсүн”. (Медиа форум)ДЕВАММ бунунла бағлы бәjанатла чыхыш едиб.
Мәркәзин сәдри Һаҹы Илгар Ибраһимоғлунун jаjдығы бәjанатда билдирилир: “ДЕВАММ олараг, Мөвсүм Сәмәдовла бағлы дурумдан дәрин нараһатлығымызы изһар едирик. АИП сәдринә гаршы бу ҹүр давраныш – инсан һүгуг вә азадлыгларынын кобуд сурәтдә позулмасыдыр. ДЕВАММ Мөвсүм Сәмәдовун тәләбләринин тәмин едилмәси, онун һүгугларынын тәхирәсалынмаз сурәтдә бәрпасы, АИП сәдринә ҹидди тибби jардым ҝөстәрилмәси илә бағлы әлагәдар гурумлар гаршысында мәсәлә галдырыр. ДЕВАММ бәjан едир ки, Мөвсүм Сәмәдова мүнасибәтдә әдаләтли вә гануни jанашма бәрпа едилмәли, онун гүввәдә олан ганунвериҹиликлә тәсбит едилән һүгуглары тәмин едилмәлидир”.
Диггәт: Хәбәрдән истифадә етдикдә мәнбәjә истинад лазымдыр