Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бу ҝүн Имам Мәһәммәд Багирин (ә) шәһадәт ҝүнүдүр
Имам өмрүнүн ахыр саатларында вәсиjjәт етмишди ки, ону өз еһрам палтары илә кәфәнләсинләр
Бу ҝүн 114-ҹү Һиҹри-гәмәри или Зилһиҹҹә аjынын 7-си мүсәлманларын 5-ҹи имамы - Мәһәммәд Багирин (ә) шәһадәт ҝүнүдүр. имам Мәһәммәд Багир (ә) һиҹрәтин 57-ҹи илиндә рәҹәб аjынын 1-дә Мәдинәдә дүнjаjа ҝөз ачыб. Бабасына чох бәнзәдиjи үчүн о һәзрәтин адыны Мәһәммәд гоjублар. Елмин сирләрини ашкар етдиjинә ҝөрә исә она Багир ләгәбини верибләр.
Имам Мәһәммәд Багирин (ә) имамлыг дөврү атасы имам Сәҹҹадын (ә) шәһадәтә jетишмәсиндән сонра тәгрибән 20 ил давам едиб.
Имам 114-ҹү Һиҹри-гәмәри или Зилһиҹҹә аjынын 7-дә хәлифә Һишамын әмри илә зәһәрләнәрәк шәһид олуб. Имамын мәзары Бәги гәбристанлығында, диҝәр 3 имамын jанында торпаға тапшырылыб.
Имам Багирин (ә) мүсибәти
Имам Багир (ә) Кәрбәла һадисәсиндә атасы илә бирҝә иди. О, бүтүн мүсибәтләри вә әсирлиjи jахындан ҝөрмүш вә өзү дә зүлмә мәруз галанлардан бири олмушдур. Имамын (ә) шәһадәтинин неҹәлиjи бир о гәдәр дә мәлум деjилдир. Бу иш Һишам ибн Әбдүл Мәликин ҝизли планы илә һәjата кечмишдир. Белә ки, Зеjд ибн Һәсән Һишамын ҝөстәриши илә бир атын jәһәринә зәһәр сүртүб ону Имамын һүзуруна ҝәтирир вә онун ата минмәjини исрар едир. Имам чарәсиз галыб ата минир вә беләликлә, зәһәр онун бәдәнинә кечир. Бундан сонра Имамын будлары зәһәрдән шишир вә үч ҝүндән сонра шәһид олур.
Имам өмрүнүн ахыр саатларында вәсиjjәт етмишди ки, ону өз еһрам палтары илә кәфәнләсинләр. Амма бабасы Имам Һүсеjнин пак вә тикә-тикә олмуш бәдәни Кәрбәлада үч ҝүн jердә галды. О заман Имам Сәҹҹад (ә) Бәни-Әсәд гәбиләси илә бирҝә ону дәфн етмәк үчүн һәсирдән башга бир шеj тапмадылар. Һәзрәтин бәдәни гәбирә гоjуланда үзү гибләjә тәрәф гоjулмалы иди. Амма атасынын башы вә бәдәни арасында нә гәдәр фасилә вар иди. Һәзрәт Зеjнәлабидин (ә) нә едә биләрди! Һәзрәт гәм-гүссә ичрә атасынын боғазынын кәсилмиш дамарларындан өпдү.
Деjирләр ки, бир шәһид анасы Мәдинәдә Бәги гәбиристанлығында имамларын гәбирләрини чырагсыз, ҝүнбәзсиз вә гәбир дашысыз ҝөрүб демишдир: “Еj Бәги имамлары, сиз лап гәриб вә мәзлумсунуз! Бундан сонра мән даһа шәһид өвладымын гәбри үстүнә нә бир ҝүл гоjаҹаг вә нә дә ону силәҹәjәм...”
Диггәт: Хәбәрдән истифадә етдикдә мәнбәjә истинад лазымдыр
2 oktyabr 2014 - 03:52
Xəbər kodu: 641746
Бу ҝүн 114-ҹү Һиҹри-гәмәри или Зилһиҹҹә аjынын 7-си мүсәлманларын 5-ҹи имамы - Мәһәммәд Багирин (ә) шәһадәт ҝүнүдүр. имам Мәһәммәд Багир (ә) һиҹрәтин 57-ҹи илиндә рәҹәб аjынын 1-дә Мәдинәдә дүнjаjа ҝөз ачыб. Бабасына чох бәнзәдиjи үчүн о һәзрәтин адыны Мәһәммәд гоjублар. Елмин сирләрини ашкар етдиjинә ҝөрә исә она Багир ләгәбини верибләр.
