Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, кечән ҝүн АИП сәдр әвәзи һаҹы Елчин Манафов башда олмагла бир груп партија функсионери вә үзвләри Һаҹы Мөвсүм Сәмәдовла ҝөрүшмәк үчүн 12 сајлы ҹәзачәкмә мүәссисәсиндә олуб.
Бу һагда АИП сәдр мүавини Вүгар Ибајев мәлумат вериб:
“Биз һаҹы илә ҝөрүш үчүн сәнәдләримизи тәгдим етдик. Һәбсхананын шөбә рәиси Бабәк Исҝәндәров сәнәдләримизи ҝәтирәрәк бизә бәһанә олараг билдирди ки, Мөвсүм Сәмәдов дахили низам-интизам гајдаларыны поздуғу үчүн хүсуси ҹәза режиминдә (карсда) сахланылыр вә буна ҝөрә онунла ҝөрүшә иҹазә верилмир.
Һаҹынын һансы интизам гајдасыны поздуғуну сорушдугда исә Бабәк мүәллим буну сөјләјә билмәјәҹәјини билдирди.
“Руһани, әхлаг устады, инсанлара әхлагдан дәрс дејән бири неҹә низам-интизам гајдаларыны поза биләр” суалыны исә һәбсхана рәсмиси ҹавабсыз гојду”.
Даһа сонра АИП рәсмиләри Бабәк мүәллимә Һаҹыја гаршы олунан бу һагсызлыглара ҝөрә иҹтимаијјәтин дә бәрк нараһат олдуғуну билдирди.
"Мөвсүм Сәмәдовун сентјабрын 30-да хүсуси ҹәза режиминдә сахланма мүддәти баша чатаҹаг вә бура топлашанлардан белә баша дүшдүм ки, доғрудан да һаҹы ҹәмијјәтдә һөрмәтли, нүфузлу вә севилән бир инсандыр", - дејә сонда шөбә рәиси вурғулады.
Диггәт: Хәбәрдәнистифадәетдикдәмәнбәјәистинадлазымдыр
