Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Ислам Партијасынын сәдри һаҹы Мөвсүм Сәмәдовун һеч бир сәбәб ҝөстәрилмәдән 11 сајлы ҹәзаҹәкмә мүәссисәсиндән даһа ағыр шәраитли 12 сајлы һәбсханаја көчүрүлмәси вә дәрһал хүсуси ҹәза тәҹридханасына салынмасы пајтахтда олдуғу кими, бөлҝәләрдә дә ҝениш етираза сәбәб олуб.
Исламинсеси.аз сајтынын АИП-ин мәрбуат хидмәтинә истинадән вердији хәбәрә ҝөрә, бир нечә ҝүндүр ки, партијанын рајон комитәләри мәркәзи гәрәрҝаһла әлагә јарадараг иҹтимаијјәтин бу һагсызлыглара гаршы етиразларыны чатдырырлар.
Бу ҝүн сајтымызын е-маил үнванына партијанын рајон шөбәләриндән хејли сајда рәсми етираз бәјанатлары дахил олуб.
АИП-ин Ләнкәран рајон комитәсинин сәдри Һаҹы Илһам Һаҹыјев:
-Һаҹы Мөвсүм Сәмәдову инсанлар дүрүст, һагсызлыг гаршысында сусмајан, әдаләтли вә виҹданлы инсан кими таныјырлар. Һамы да јахшы билир ки, бу һалал инсанын һаггында ирәли сүрүлән ҹинајәт тәркиби гурамадыр вә сахтадыр.
Онун кими шәхсијјәтә гаршы тәшкил олунан бу јаланчы иттиһамлара ҝөрә рајон диндарлары наразылыгларыны ҝизләтмирләр. Амма сон ҝүнләр онун барәсиндә јол верилән һагсызлыглар вә гәрәзли мүнасибәт инсанларын сәбр касасыны дашырыб. Һамы бу вәзијјәтә етираз етмәк үчүн күчәләрә ахышмаг истәјир. Биз комтәнин иҹласыны кечирәрәк бу мәсәләни мүзакирә етдик вә рәһбәрликлә әлагә сахладыг. Бизә билдирилди ки, рәсми шәкилдә мүраҹиәт олунуб вә онлар јахын ҝүнләрдә проблемлә әләгәдар конкрет ҹаваб ҝөзләјирләр.
Биз рәсмән бәјан едирик ки, АИП сәдринә гаршы бу һагсызлыглара сон гојулмаса, өз сөзүмүзү дејәҹәјик.
Партијанын Биләсувар комитәсинин сәдр мүавини кәрбәлаји Ағабала Гасымов:
-Биз һаҹы Мөвсүмлә бағлы баш верән сон һадисәри ешидәндән бәри чох һәјаҹанлыјыг вә бу һагсызлыглара дөзмәк фикриндә дејилик. Һазырда һәбсдә олан сәдримизә гаршы олан гәрәзли мүнасибәтдән чох нараһатыг. Баша дүшә билмирик ки, ахы ондан нә истәјирләр? Санки онун азадлығына едилән гәсд азлыг едир, инди дә ҹисмән мәһв еләмәк үчүн јени ҹәзалар тәтбиг едирләр. Бүтүн Биләсувар ҹамааты онун хәтирини чох истәјир вә һөрмәтини сахлајырлар. Баш верәнләри ешидән инсанлар чох мәјус олублар вә һагсызлыглара гаршы мүбаризәјә һазыр олдугларыны билдирирләр. Биз тәләб едирик ки, Мөвсүм Сәмәдова гаршы бу гәрәзли мүнасибәтә сон гојулсун. Онун тезликлә азадлыға чыхмасы бизим ән бөјүк арзумуздур.
Астара рајон комитәсинин сәдри кәрбәлајы Иса Һәсәнов:
- Һаҹы Мөвсүм Сәмәдов Азәрбајҹан халгына Илаһинин бир лүтфүдүр. Ҹәмијјәтдә баш верән негатив һалларын галдырылмасында онун кими шәхсијјәтләрин сөзү вә нүфузу јетәрли оларды. Амма бу ҹүр ағыллы дүшүнән башлары ҹәмијјәтдән тәҹрид едирләр. Она гаршы галдырылан иттиһамларын һәгигилијинә һеч ким инанмыр, чүнки ону јахшы таныјырлар. Астара ҹамааты һаҹы Мөвсүмә гаршы јол верилән гәддарлығы кәскин писләјир вә ушагдан-бөјүјә кими һамы ону дәстәкләјир. Рајон диндарлары тәләб едирләр ки, АИП сәдринә гаршы гәрәзли, чиркин мүнасибәтә сон гојулсун вә о, “карс”дан дәрһал азад олунсун.
Сәлјан рајон комитәсинин сәдри кәрбәлајы Мурад Абдуллајев:
-Мөвсүм Сәмәдова гаршы јөнәлмиш бу һәрәкәтләр һакимијјәтин нөвбәти аҹизлијинин ҝөстәриҹисидир. Игтидар бу бөјүк шәхсијјәтин нүфузунун, сөзүнүн кәсәрини јахшы билир. Онлар еһтијат едирләр ки, бүтүн Азәрбајҹан халгы онун бирҹә сөзү илә ајаға галхар, өлкәдә сијаси зәлзәлә баш верәр. Онлары горхудан мәһз будур. Елә бу горхунун нәтиҹәсидир ки, һаҹы Мөвсүмүн ағзыны бағламаг, ону сусдурмаг үчүн мүхтәлиф ҹәзалара мәруз гојурлар, шәһәрин мәркәзиндән узаглашдырыр, “карса” салырлар. Лакин нә гәдәр чалышсалар да, бизим лидеримизи сындыра билмәјәҹәкләр, ону шәһид едә биләрләр, амма һагг јолундан дөндәрә билмәзләр. Мән комитә үзвләри адындан гәти шәкилдә бәјан едирәм ки, әҝәр АИП сәдринә гаршы бу тәзјигләрә сон гојулмаса, биз етиразымызы лазымынҹа билдирәҹәјик.
Саатлы рајон комитәсинин сәдри һаҹы Мәммәдаға Әлијев:
- Биз партијанын сәдри һаггында бу хәбәри ешидән кими тәчили топландыг, нә едәҹәјимизи ҝөтүр-гој еләдик. Сонра партија рәһбәрлији илә әлагә сахлајыб вәзијјәтлә әлагәдар мәсләһәт алмаг истәдик. Бизә дејилди ки, АИП функсионерләри лазым олан тәдбирләри ҝөрүрләр. Мәдәт Гулијевә рәсми мүраҹиәт ҝөндәрилиб. Онлар тәрәфиндән адекват аддымлар атылмаса, диҝәр етираз тәдбирләри дә ҝөрүләҹәк. Биз дә һәләлик ҝөзләјирик. Амма ону дејим ки, сәдримизин вәзијјәтиндән чох нараһатыг.
Нефтчала рајон комитәсинин сәдри кәрбәлајы Елнур Һүсејнов:
- Һаҹы Мөвсүм Сәмәдов бизим һәр биримиз үчүн әзиз олдуғу гәдәр дә дәјәрлидир. Онун һаггында алдығымыз сон хәбәрләр бизи олдугҹа нараһат едир. Һаҹы Мөвсүмү инсанлара гаршы меһрибан, сәмими давранан фәдакар гәлбли бир инсан кими таныјырыг.
Амма онун һагсызлыглара, јалана, рүшвәтә гаршы неҹә барышмаз олдуғуну да билирик. Онун инҹидилмәсинин архасында бу сәбәбләрин олдуғундан да хәбәрдарыг. Биз тәләб едирик ки, она гаршы олан һагсызлыглара сон гојулсун. Истәнилән һалда биз бунунла барышмајаҹағыг.
Тәртәр рајон комитәсинин сәдри Әли Зејналов:
- Мән һаҹы Мөвсүмү чохдан таныјырам. Онун мәрдлијинә, нөгсанлара гаршы барышмаз олдуғуна бәләдәм, бу һалларла һәмишә мүбаризә апардығыны билирәм. Сәдримизин сахта иттиһамлар әсасында һәбс олунмасы сәбәбләри архасында мәһз бу амилләр дајаныр. Мән бир нечә ај әввәл ”Нәбз“ гәзетинә вердијим мүсаһибәдә дә гејд етмишдим ки, ону бу характеринә ҝөрә һәбсханада раһат бурахмајаҹаглар. Һаҹы Мөвсүм инсанлары инандырмаг, мүбаризәјә сәфәрбәр етмәк истедадына малик, виҹданлы, намуслу бир диндардыр. Аллаһын бујурдуғу кими, һалал јашајыр, зүлмә, һагсызлыға гаршы сәссиз галмыр.
Бу ҝүн она гаршы радикал, сәрт мүнасибәт мәһз буна ҝөрәдир. Амма зүлмә адәт етмиш бу адамлар баша дүшмүрләр ки, һаҹы дәмир бармаглыглар арасында һагсызлыға гаршы сусмурса, демәк бөјүк дәстәјә, онун һаггыны горумаға һазыр инсанлара архаланыр. Билир ки, ону шәһид етсәләр дә, һагг ишини давам етдирәнләр олаҹаг. Аллаһ, дин, һагг јолунда мүбаризәмиз һәмишә давам едәҹәк.
Губа рајон комитәсинин сәдри һаҹы Вагиф Һүсејнов:
- Һаҹы Мөвсүм Сәмәдова гаршы едилән бу гәддар һәрәкәтләр, бүтүн Губа ҹамааты кими, мәни дә үзүб. Ону бурда һамы јахшы таныјыр вә севир. Биз баша дүшмүрүк ки, бу шәхсә гаршы нәјә ҝөрә гәрәзли мүнасибәт ҝөстәрилир? О ки, садәҹә һагсызлыға гаршы чыхыр, һәм дә өз шәхси мәнафеләрини дејил, халгын талејини дүшүнүр. Һөкумәт өзу дә етираф едир ки, өлкәдә коррупсија вә рүшвәтхорлуг вар. Әҝәр јохдурса, нәјә ҝөрә буна гаршы мүбаризә апармаг үчүн дөвләт комитәси јарадылыб? БунуМөвсүмСәмәдовдадејир. Аммао, конкретбуишләмәшғулоланмәмурларыифшаедир. Она ҝөрә дә “әлләри кифајәт гәдәр узун “ олан бу адамлар һаҹыны һәбсханада да раһат гојмаг истәмирләр. Бүтүн Губа ҹамааты адындан тәләб едирик ки, АИП сәдринә гаршы јол верилән һагсызлыглара сон гојулсун. Әкс тәгдирдә бир бөлҝә, рајон дејил, бүтүн Азәрбајҹан ајаға галхыб өз етиразыны билдирәҹәк.
Ағстафа рајон комитәсинин сәдри һаҹы Елхан Мусајев:
- Рајон комитәсинин бүтүн үзвләри бу мәсәләдән хәбәрдардыр. Һәр кәс пајтахта ҝетмәк, һәбсхана гапылары өнүндә өз етиразыны билдирмәк нијјәтиндәдир. Лакин биз һәләлик онлары сәбрә дәвәт едирик. Чүнки АиП функсионерләринин бу истигамәтдә лазыми тәдбирләр ҝөрдүјүнү билирик. Биз рәһбәрликдән хәбәр ҝөзләјирик. Рәһбәрлијин вердији ҝөстәришә әсасән, нә етмәли олаҹағымызы мүәјјәнләшдирәҹәјик.
Диггәт: Хәбәрдән истифадә етдикдә мәнбәјә истинад лазымдыр
