“Һаҹы Мөвсүм Сәмәдов өз принсипләринә сәдагәтли олан инсанлардан биридир”

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Милли Шуранын тәшкилатчылығы илә бу ҝүн Бакы шәһәриндә һәбсдә сахланылан танынмыш һүгуг мүдафиәчиси Леjла Јунус вә Азәрбаjҹан Ислам Партиjасынын сәдри Һаҹы Мөвсүм Сәмәдовун тәзjигә мәруз галмасы илә әлагәдар олараг тәдбир кечирилиб.
Тәдбирдә КИВ тәмсилчиләри, Милли Шуранын сәдри Ҹәмил Һәсәнли, Азәрбаjҹан Халг Ҹәбһәси Партиjасынын сәдри Әли Кәримли, танынмыш сиjасәтчи Ҝүлтәкин Һаҹыбәjли, һүгуг мүдафиәчиси Мирвари Гәһрәманлы, танынмыш кинорежиссор вә зиjалы Елдәниз Гулиjев, һүгуг мүдафиәчиси Намизәд Сәфәров, Гарабағын Азадлығы Уғрунда Ислам Мүгавимәти Һәрәкатынын лидери Һаҹы Рөвшән Әһмәдли вә диҝәрләри иштирак едиб.
Профессор Ҹәмил Һәсәнли чыхышында геjд едиб ки, “Бу ҝүн Азәрбаjҹанын ҹәсур һүгуг мүдафиәчиси Леjла Јунус вә горхмаз инсан олан Һаҹы Мөвсүм Сәмәдова гаршы тәзjигләрин баш вермәси илә бағлы хәбәр алдығымыздан, бу тәдбири кечирмәк гәрарына ҝәлдик. Заман азәрбаjҹанлыларын дөвләт, милләт вә халг олараг ләjагәтини имтаһана чәкир. Чох тәәссүф ки, биз инди деjә билмәрик ки, бу ләjагәт имтаһанындан үзүағ чыхырыг. Мән бир даһа бәjан етмәк истәjирәм ки, 105 нәфәр сиjаси мәһбусумуз вар. Онлара гаршы һәбсханаларда геjри-гануни ҹәзалар, тәзjигләр вә дөjүлмә һаллары баш верир. Мән о шәхсләрә сәсләнирәм ки, кимин ичиндә зиjалылыг сәси варса, гоjсун ортаjа, сонра ҝеҹ олаҹаг. Мән һәтта деjәрдим ки, Азәрбаjҹанда инсанларын Совет дөврүндә өзләрини мүдафиә етмәjи даһа асан иди, нәинки Илһам Әлиjевин рәһбәр олдуғу мүстәгил Азәрбаjҹан Республикасында. Һаҹы Мөвсүм Сәмәдов өз принсипләринә сәдагәтли олан инсанлардан биридир. Сон ики һәфтә әрзиндә онун һәбсханада анти-инсани һәрәкәтләрлә гаршылашмасы, “карс”а салынмасы вә она гаршы ганунун мүһүм тәләбләринин позулмасы мүшаһидә едилмәкдәдир. Билирсиниз ки, Һаҹы Мөвсүм Сәмәдов нә гәдәр тәзjигә мәруз галса да, бу илаһиjjатчы бөjүк ирадә саһиби олдуғу үчүн мүбаризәси бу ҝүнә гәдәр давам едир. Леjла Јунус зоракылыға мәруз галыб. Мән бәjан едирәм ки, шәхсән Илһам Әлиjевин разылығы олмадан Леjла Јунуса гаршы зоракылыг едилә билмәз. Бу мүнасибәт билаваситә бир баша өлкәнин биринҹи шәхсиндән ҝәлән мүнасибәтдир.”
Танынмыш зиjалы вә кинорежиссор Елдәниз Гулиjев исә чыхышында деjиб ки, “Һесаб едирәм ки, һакимиjjәтин азад фикирә гаршы, демократик фикирә гаршы, алтернатив фикирә гаршы фәалиjjәти өз пик нөгтәсинә чатыб. Буну анҹаг орта әсрләрдәки мағара тәфәккүрү илә еһтива едә биләрик. Һәр бир инсан һеч олмаса бир дәфә виҹданымызын сәси илә демәлиjик ки, олмаз белә. Дирәниш ҝөстәрмәлиjик. Биз бу вәһшилиjи дурдура биләрик мәнҹә. Һәбсләр инсанларда артыг горху jаратмыр.”
Бундан сонра Милли Шуранын үзвү, танынмыш сиjасәтчи Ҝүлтәкин Һаҹыбәjли данышыб. О, билдириб ки, “Мән бир шеjә тохунмаг истәjирәм. Бу ҝүн бир чохлары өзүнү зиjалы адландырыр, амма Интигам Әлиjев кими вәкилин һәбсинә сусур. Мәнҹә Интигам Әлиjевин һәбсинә сусан инсан өзүнү зиjалы адландыра билмәз. Әҝәр кимсә Интигам мүәллим кими һүгуг мүдафиәчисинин һәбсинә етираз етмирсә, һаггы jохдур зиjалылыгдан данышсын.  Бу ҝүн Елдәниз мүәллим дедиjи кими Азәрбаjҹанда һәбсләр инсанлары горхутмур.”
    
Сонда Азәрбаjҹан Халг Ҹәбһәси Партиjасынын сәдри Әли Кәримли геjд едиб ки, “Бу ҝүн буну ачыг демәк лазымдыр ки, һакимиjjәтин кини өлкәни учурума апарыр. Һакимиjjәтин бу ҝүн апардығы бу сиjасәтә ҝөрә, ахырда Азәрбаjҹан дөвләт олараг алтыны чәкәҹәк. Һамымыз Азәрбаjҹан олараг бунун һесабыны вермәли олаҹағыг. Бунун һесабыны игтисади тәнәззүллә, геjри-сабитликлә, өлкә дахилиндә екстремизмин артмасы илә верәҹәjик. Һөкумәт Азәрбаjҹаны бу истигамәтә апарыр. Буну нәһаjәт анламалыдырлар. Елементар мәсулиjjәт һиссини дәрк етмәлидирләр. Әввәлләр НИДА-чылара гаршы, Кәмалә Бәнәниjарлыjа гаршы, инанҹлылара гаршы һәбсханаларда дөjүлмә һаллары, ишҝәнҹә һаллары олуб. Әли Инсанова гаршы, Илгар Мәммәдова гаршы сахланма шәраитиндә ишҝәнҹә типли һәрәкәтләрә jол верилдиjини ҝөрмүшүк. Бу ҝүн бу, Һаҹы Мөвсүм Сәмәдова гаршы баш верир. Бу системли ишдир. Бу системли шәкилдә һәjата кечирилир. Азәрбаjҹан һакимиjjәтинин кимә гаршы кини варса, бу ҹүр аддымлар атыр. Буна гисас әмәлиjjаты да демәк олар. Һәбсдән сонра гисас алмаг мәгсәди илә бу ишләри ҝөрүрләр. Азәрбаjҹанда 1991-ҹи илдән бу ҝүнә гәдәр минләрлә инсан сиjаси мәһбус һәjатыны ҝөрүб. Бу мүтәмади олараг баш вериб Азәрбаjҹанда. Бу ҝүн jүзүн үзәриндә сиjаси мәһбус вар. Она ҝөрә дә ҹәмиjjәтдә мүәjjән бир хофун олмағыны мән баша дүшүрәм. Амма гынағым о шәхсләрәдир ки, Леjла Јунуса гаршы, Интигам Әлиjевә гаршы вә хүсусилә өлкәдәки сиjаси мәһбуслара гаршы баш верәнләрә мүнасибәт билдирмәjән өзләрини мүхалифәт адландыран шәхсләр ниjә сусурлар? Сән неҹә өзүнү вәтәндаш ҹәмиjjәти фәалы һесаб едирсән ки, ағзына су алыб отурмусан? Һаны о адамларын сәсләри? Ниjә сусур о адамлар? Бу ҝүн Леjла ханыма гаршы һакимиjjәтин мүнасибәтинә мүнасибәт индигатор олмалыдыр. Бу мәсәләjә сән сусурсанса, фәрги jохдур горхудан вә jа һансыса ҝәлир итирмәкдән сусурсанса, о заман һеч бир иҹтимаи статус ардынҹа дүшмә. Демә ки, мән азад мәтбуаты тәмсил едирәм, демә ки мән мүхалифәтәм, демә ки, вәтәндаш ҹәмиjjәтини тәмсил едирәм. Сәнинлә ишимиз jохдур. Амма демә буну. Деjирсәнсә, сәнин иҹтимаи миссиjан вар. Зәһмәт чәкиб мөвге билдирмәлисән. Мән ҹәмиjjәтимизин һазырки һалында белә, халгымыза инамым jериндәдир. Һесаб едирәм ки, биз һәлә дә кифаjәт гәдәр чохуг. Бу гәдәр репрессиjалардан сонра, бу гәдәр сатын алмалардан, әлә алмалардан сонра принсипинә садиг инсанлар кифаjәт гәдәр чохдур.“
Геjд едәк ки, тәдбирдә билдирилиб ки, һәм Һаҹы Мөвсүм Сәмәдов, һәм дә Леjла Јунусун сәһһәтиндә мүәjjән проблемләр вар. Бунун үчүн чағырыш едилиб ки, виҹданлы һәкимләр һәр ики шәхсин мүаjинәсини өз үзәринә ҝөтүрсүн.
Диггәт: Хәбәрдән истифадә етдикдә мәнбәjә истинад лазымдыр