Гәрб Русиjаjа гаршы ҝенишмигjаслы һазырлыглара башлаjыб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, “Гәрб Русиjаjа гаршы ҝенишмигjаслы һазырлыглара башлаjыб”
 “Бу, постсовет мәканы өлкәләриндә нә гәдәр баша дүшүлсә, бир о гәдәр онлар үчүн jахшы олаҹаг”.
Бу сөзләри Ахар.аз-а ачыгламасында русиjалы политолог Григори Трофимчук деjиб.
О, Уелс саммитинин һәгигәтән тарихи әһәмиjjәт дашыдығыны билдириб:
“Хатырлаjырсынызса, НАТО-нун әксәр саммитләри заманы кифаjәт гәдәр jүксәк тарихи әһәмиjjәт дашыjаҹағы илә бағлы фикирләр сәсләнирди. Амма бунун Уелс саммитинә һеч бир аидиjjәти jохдур. О, һәгигәтән тарихи әһәмиjjәт дашыjыр. Әҝәр бурадакы бүтүн чыхышлара диггәт етсәк, ҝөрмүш оларыг ки, бурада дүнjанын апарыҹы өлкәләри Русиjаjа гаршы мүһарибә үчүн ҝенишмигjаслы һазырлыглара башлаjыблар. Бу, постсовет мәканы өлкәләриндә нә гәдәр тез баша дүшүлсә, бир о гәдәр онлар үчүн jахшы олаҹаг. Амма дүнjа хәритәсинин дәjишмәси саммитдән дәрһал сонра баш вермәjәҹәк. Бу, мүәjjән мүддәтдән сонра дүнjа мүхтәлиф jерләриндә өзүнү бүрузә вермәjә башлаjаҹаг. АБШ вә НАТО долаjысы jолла Минск данышыгларындан асылы шәкилдә Украjнада башламыш мүһарибәни артыг өз мүһарибәләри һесаб едирләр. Мәһз бу да онлара хәритәни jенидән формалашдырмагда көмәк едәҹәк. Украjнаjа jүксәк дәгиглиjә малик олан силаһларын өтүрүлмәси артыг бу просесин башланмасындан хәбәр верир вә о, тәкҹә Украjнаjа тохунмаjаҹаг. НАТО үчүн партизанларын Донбаса гәдәр ҝәлиб-ҝәлмәмәси елә бир өнәм кәсб етмир. Бу партизанларын өзү вә Русиjа үчүн өнәмлидир. АБШ артыг Уелс саммитиндә бүтүн ҝүнаһлары Москванын үзәринә атыб. Инди jалныз баш верәҹәкләри ҝөзләмәк лазымдыр”.
Диггәт: Хәбәрдән истифадә етдикдә мәнбәjә истинад лазымдыр