Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Азәрбаjҹан Ислам Партиjасынын сәдр әвәзи Елчин Манафов 3 илдән артыгдыр ҝүнаһсыз олараг мәһбәс һәjаты jашаjан АИП сәдри Др. Һаҹы Мөһсүн Сәмәдовла ҝөрүшүб.
“Исламынсәси” -ин вердиjи мәлумата ҝөрә, Елчин Манафов билдириб ки, Др. Һаҹы Мөһсүн Сәмәдовөлкәдә вә дүнjада баш верән иҹтимаи-сиjаси һадисәләрлә марагланыб вә партиjа лидери кими сиjаси гурумун фәлиjjәтини сорушуб: “Онларын мәлумат алмаг имканлары мәһдуддур. Јеҝанә информасиjа васитәси олан кичик радиосуну да әлиндән алыблар. О, баш верәнләрлә бағлы мәлуматы jалныз ҝөрүшә ҝәлән шәхсләрдән ала билир. Үмумиjjәтдә, мәлуматлы иди, амма информасиjалары дәгигләшдирмәк үчүн суаллар верирди.”
Е.Манафовун сөзләринә ҝөрә, Сәмәдов һәмчинин Гәзза һадисәләри илә бағлы иҹтимаиjjәтин, партиjанын мөвгеjини өjрәниб. Даһа сонра һәбсханада апардығы тәблиғат, маарифчилик фәалиjjәти нәтиҹәсиндә һәбсдәки дустагларын фәләстинлиләрин дәрдинә шәрик олдугларыны, бу гәтлиамы Гарабағ фаҹиәси илә еjниләшдирдикләрини билдириб: “Сәһһәти jахшы иди. Руһиjjәсинә ҝәлинҹә исә, ону азадлыгда олдуғу вахтдан да мүбариз ҝөрдүм. Онун чөлдә баш верән һадисәләрә биҝанә олмамасы, Ислам аләминдә баш верәнләрә сеjрчи галмамасы, һадисәләрә мөвгеjи мүбаризлик руһиjjәсиндән хәбәр верирди. Билдиjимиз кими даһи инсанлар мүһитә тәслим, табе олмамагдан әлавә, һәм дә өзләри мүһит jарадырлар. Һаҹы Мөһсүн Сәмәдов кими шәхсин һәбсханада олмасы орадакылар үчүн Аллаһ тәрәфиндән һәдиjjәдир. Онун бир чох мәһбуслары һагг jола чәкмәси, хүсусән рамазан аjындан истифадә едиб, чохларыны төвбәjә чағырмасы, онлары пис вәрдишләрдән узаглашдырмасы ҝөстәрди ки, мүһит она деjил, о, мүһитә тәсир едиб.”
Һәбсханада Рамазан аjы илә бағлы jарадылан шәраитә дә тохунан Елчин Манафов билдириб ки, орада бунун әкси олан мәсә илә растлашмаjыб: “Әксинә, бизә чох еһтирамла jанашдылар, сөһбәт вә ибадәт үчүн шәраит jаратдылар. Хүсусилә рәһбәрлик Рамазан аjынын һөрмәтинә ҝөрә, бизә бу шәраити jаратдыгларыны геjд етдиләр. Др. Һаҹы Мөһсүн Сәмәдовда вурғулады ки, һәбсханада негатив һал олдугда сусмаjыб, буну һамы билир вә гәбул едир. Әҝәр Рамазан аjы илә әлагәли нәсә нараһатлыг олсаjды, өзүнә ҝөрә jох, башгалары үчүн буну диггәтә чатдырарды.”
Tehran Radiosu
Диггәт: Хәбәрдән истифадә етдикдә мәнбәjә истинад лазымдыр
