Руһани: Иран халгы өтән илки сечкиләрлә хариҹи вә дахили ифратчылара "jох" деди

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,

Теһран Радиосу - Иран Ислам Республикасы президенти өтән илки президент сечкиләриндә иранлыларын сиjаси гәһрәманлығынын биринҹи иллиjиндә журналистләрә деjиб: 24 хордад (14 иjун 2013) президент сечкиләри Иран халгынын хариҹи вә дахили ифратчылара "jох" демәси иди.
Иран Ислам Республикасынын президенти Һәсән Руһани шәнбә ҝүнү өтән илки президент сечкиләриндә иранлыларын сиjаси гәһрәманлығынын биринҹи иллиjи илә бағлы кечирилән дахили вә хариҹи журналистләрлә мәтбуат конфрансында деjиб: Өтән илки 24 хордадын мүраҹиәти бу иди ки, Иран халгы мөтәдиллик, сүлһ вә достлуг, барышыг, дүнjа илә анлашма вә бәрабәр вә мөһкәм инкишаф jолуну сечди вә бу jол Иран халгы үчүн даими jол олаҹагдыр.
Руһани һәмчинин АБШ президентинин бир кешиш тәрәфиндән мүраҹиәт үнванламасы барәсиндә деjиб: Әҝәр бир мүраҹиәтин ҝөндәрилиб-алынмасы гәрара алынарса, о мәктубу ҝөндәрәр вә ҹавабыны да алар.
Иранын нүвә мүзакирәчиләринин 5+1 групу илә мүзакирәләр заманында Американын мүзакирә һеjәти илә әлагәдә олдуғуну бәjан едән Иран Ислам Республикасы президенти билдириб: Һеч бир кешиш тәрәфиндән мүраҹиәт алынмаjыб вә АБШ президентинә дә мүраҹиәт ҝөндәрилмәjиб.
Иранын реҝион вә дүнjадакы мөвгеjини диггәт мәркәзиндә сахлаjан Руһани һәмчинин 5+1 групу илә мүзакирәләрин давам етмәси вә бу саһәдә еһтимал олунан анлашманы гиjмәтләндирәрәк деjиб: Иран Ислам Республикасы мүзакирәләрдә ҹиддидир вә әҝәр гаршы тәрәф хошмәрамлылыг нүмаjиш етдирәрсә, анлашма мүмкүндүр.
"Алтылыг групу илә анлашма дүнjа илә анлашма ишинин сона чатмасы мәнасында деjил" деjән Иран Ислам Республикасы президентинин сөзләринә ҝөрә, бу һәфтә башлаjаҹаг мүзакирәләрдә еһтимал үзрә ики тәрәф тәнзимләмә мәрһәләсинә чатаҹаг.
Руһани һәмчинин Ирагын һазыркы просесләри вә Иранын "Ираг вә Шам Ислам Дөвләти" адлы террор груплашмасы илә давранмада һансы мүәjjән програма малик олуб-олмадығыны вә АБШ-ла мүштәрәк програмда әмәкдашлыг едиб-етмәjәҹәjи барәсиндә деjиб: Реҝионда терроризм мәсәләси өнәмли мәсәләдир.
"Терроризм тәрәфиндән демократиjаjа дөзмәмәк, әсас бир мәсәләдир" деjән Иран президенти билдириб: Демократиjа сәсвермә, терроризм исә силаһ-сурсата әсасланыр вә фикир аjрылығы елә бу ики ҹәбһә арасындадыр.

Ирагда сон сечкиләрин кечирилмәсинә тохунан Иран президенти сечкиләрдә мәғлубиjjәтин әвәзини терроризмлә чыхмағын мүмкүн олмадығыны деjәрәк әлавә едиб: Иран Ирагын дост вә гоншу өлкәси олараг бу өлкә дөвләти тәрәфиндән көмәjин истәнилдиjи һалда беjнәлхалг ганун-гаjдалар чәрчивәсиндә Ирага көмәк етмәjә һазырдыр.
Теһран Радиосу
Диггәт: Хәбәрдән истифадә етдикдә мәнбәjә истинад лазымдыр