Иран - Әлҹәзаир мүтәшәккил ҹинаjәтләрлә мүбаризә үзәриндә тәкид едибләр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Иранын Низам – Интизам гүввәсинин команданы ҝенерал леjтенант Исмаjил Әһмәди Мугәддәм Әлҹәзаир дахили ишләр назири Тәjjиб  Бәлиз илә ҝөрүшдә, мүхтәлиф ҹинаjәтләр, о ҹүмләдән мүтәшәккил ҹинаjәтләрлә мүбаризәдә  ики өлкә арасында әмәкдашлыгларын ҝенишләнмәси үзәриндә тәкид едиб.
ИРНА-нын Иранын Әлҹәзирдәки сәфирлиjиндән вердиjи мәлумата әсасән, Әлҹәзаирдә сәфәрдә олан ҝенерал леjтенант Әһмәди Мугәддәм өтән ахшам сәфәринин үчүнҹү ҝүнүндә Әлҹәзаир дахили ишләр назири илә ҝөрүшүб фикир мүбадиләси апарыб.
Тәрәфләр бу ҝөрүшдә тәһлүкәсизлик вә низам-интизам саһәсиндә хүсуси илә дә ики өлкә арасында тәһлүкәсизлик вә стабиллиjә манеә ола билән мүтәшәккил ҹинаjәтләрлә мүбаризәдә әмәкдашлыгларын апарылмасы һагда фикир мүбадиләси апарыблар.
Әлҹәзаир дахили ишләр назири Иранла тәһүлкәсизлик вә низам-интизам мәсәләләри үзрә әмәкдашлыгларын ҝенишләндиримәсини мүсбәт гаршылаjараг ики өлкә рәсмиләри тәрәфиндән констурктив вә проктикал аддымларын атылмасынын ваҹиблиjини вурғулаjыб.
Иран низам – интизам гүввәләринин баш команданы Әлҹәзаирә сәфәриндә о өлкәнин тәһлүкәсизлик вә полис мәркәзләринә бахыш кечирәрәк, ики өлкә арасында әмәкдашыг сәнәди имзалаjыб.
Ҝенерал Әһмәди Мугәддәм өтән базар ертәси Әлҹәзаирә дахил олдугдан сонра өлкәнин милли тәһлүкәсизлик идарәсинин баш мүдири илә ҝөрүшүб, мүхтәлиф  зәминләрдә, о ҹүмләдән терроризм, наркотик маддәләр, геjри-гануни имиграсиjа вә диҝәр саһәләрдә ики өлкәнин полис гүввәләри арасында әмәкдашлыгларын  апарылмасы һагда фикир мүбадиләси апарыблар.
Иран низам – интизам гүввәләринин баш команданыны  Әлҹәзаирә сәфәриндә, наркотик маддәләрлә мүбаризә полиси (ФӘТА)-нын команданы, Полис Академиjасынын рәиси вә даһа бир нечә  jүксәк рутбәли командан мүшаjиәт едир.
Тehran Radiosu
Диггәт: Хәбәрдән истифадә етдикдә мәнбәjә истинад лазымдыр