Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Иран Хариҹи Ишләр Назирлиjинин сөзчүсү Азәрбаjҹан Республикасында гадаған олунмуш китабларын сиjаһысынын нәшр едилмәсинә реаксиjа вериб.
Мәрзиjjә Әфхәм чәршәнбә ахшамы ҝүнү өз һәфтәлик брифингиндә деjиб: Азәрбаjҹан Республикасынын дини комитәси тәрәфиндән нәшр олунмуш вә имамларын һәjаты вә анти-вәһһабилик китабларынын да еһтимал үзрә дахил олдуғу гадаған едилмиш дини китаблар сиjаһысы һагда кифаjәт гәдәр мәлуматымыз jохдур. Бу барәдә дәгиг арашдырмадан сонра мөвге тутаҹағыг.
Иран Хариҹи Ишләр Назирлиjинин сөзчүсү деjиб ки, бәлкә дә гадаған олунмуш вә нәшр едилмиш китабларын сиjаһысы дәгиг олмуш олмасын. О, сонра деjиб: Азәрбаjҹан вә Иран халгларынын бир чох jахынлыглар вә ортаглыглара малик олдугларына, диҝәр тәрәфдән дә Азәрбаjҹан халгынын дохсан сәккиз фаизинин шиә олмасына ҝөрә, бу халг индиjәдәк дини-мәзһәби әсәрләри рәғбәтлә гаршылаjыбдыр.
Мәрзиjjә Әфхәм белә геjд едиб: Арашдырмадан сонра бахыб ҝөрмәлиjик ки, нә үчүн бу сиjаһыjа дахил олан китабларын бәзиси гадаған олунуб вә тәһлүкәли гәләмә верилибдир.
Иранын дипломатиjа апаратынын сөзчүсү әлавә едиб: Азәрбаjҹан Республикасында гадаған олунмуш дини әдәбиjjат вә китабларын сиjаһысы барәдә мүтләг Иран Ислам Республикасынын Бакыдакы сәфирлиjиндән лазымы изләмәләри һәjата кечирәҹәк вә әмин оландан сонра дәjәрләндирмә апарыб, өз ҹавабымызы верәҹәjик.
Диггәт: Хәбәрдән истифадә етдикдә мәнбәjә истинад лазымдыр
Теһран Радиосу
