Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjаын Халг тәрәфиндән дәстәкләнән Президенти Бәшшар Әсәд ҹәнаблары өтән ҝүн Паjтахт Дәмәшгдән кәнарда jерләшән мәҹбури көчкүнләр дүшәрҝәсиндә олуб. Дүшәрҝәдә оларкән ҹәнаб Президент көчкүнләрин проблемләри илә, jахындан таныш олуб.
Дәмәшгин мүхтәлиф бөлҝәләриндә jерләшән гачгынлар дүшәрҝәләринә бахыш кечирдән Президент Бәшшар Әсәд һәмчинин мөвҹуд проблемләрин һәлли jолларыны да орадаҹа арашдырыб.
Риф шәһәринин Дувеjр мәнтәгәсиндә мәҹбури көчкүнләр гаршысында нитг сөjләjән Президент Бәшшар Әсәд билдириб: “Дөвләт, сакинләри евләриндән дидәрҝин салмыш вә онлара гаршы амансыз ҹинаjәт актларын һәjата кечирдмиш террорчуларла мүбаризәни сон кими апармаг әзминдәдир.”
Суриjа Һөкүмәтинә бағлы “САНА” хәбәр аҝентлиjинин билдирдиjинә ҝөрә, ҹәнаб Президент һәмчинин Дәмәшгин дарвазасы кими танынан Әдра шәһәринә дә сәфәр едәрәк вәтәндашларла үмуми ҝөрүш күчирдиб.
Геjд едәк ки, Әдра шәһәри Дәмәшгин шимал шәргиндә jерләшир вә Дәмәшг дарвазасы адланыр. Бу сәбәбдән дә Әдра шәһәри даим jараглылар тәрәфиндән ардыҹыл һүҹумлара мәруз галыр.
Диггәт: Хәбәрдән истифадә етдикдә мәнбәjә истинад лазымдыр
