Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн Бәшәриjjәт тарихинин надир ҝүнләриндән бири саjылыр. Бу ҝүн Әли ибн Әбу Талибин (әлеjһис сәлам) вә Ислам Пеjғәмбәринин дүрданә гызы һәатәри Фатимәи Зәһранын (сәламуллаһи әлеjһа) jеҝанә гызы Ханым Зеjнәбин виладәт ҝүнүнә тәсадүф едир.
Биз АБНА олараг бу мүбарәкли мүнасибәти башда Имам Заман һәзрәтләринә, онун һагг наиби Имам Хаменеи ҹәнабларына вә бүтүн бәшәриjjәтә тәбрик едирик.
Ханым Зеjнәбин һәjатына гыса бир бахыш
Имам Әли (әлеjһи сәлам) вә Ханым Фатимәнин (сәламуллаһи әлеjһа) үчүнҹү өвлады, Имам Һүсеjдән (әлеjһи сәлам) кичик, Кәрбала Һадисәсинин һәгигәтләрини Имам Сәҹҹад (дөрдүнҹү Имам әлеjһи сәлам) тәкин инсанлара чатдыран Зеjнәби Кубра (сәламуллаһи әлеjһа) Һиҹри Гәмәри тарихи илә Һиҹрәтин 6-ҹы илиндә, Ислам Пеjғәмбәринин (сәлләллаһу әлеjһи вә алиһ) мүшрикләрин башчысы Әбу Сүфjан (ләнәтуллаһи әлеjһ) илә Һүдеjбиjjә Сүлһ сазишин бағладыгдан сонра Ҹәмади Ула аjынын 5-дә (милади тарихи илә 627-дә) дүнjаjа ҝөз ачыб. Ханым Зеjнәб (сәламуллаһи әлеjһа) дүнjаjа ҝәлдикдә бөjүк Бабасы Ислам Пеjғәмбәри сәфәрдә иди. Бу сәбәбдән дә онла бир нечә ҝүн ҝөзләдиләр, Ислам Пеjғәмбәри (сәлләллаһу әлеjһи вә алиһ) сәфәрдән гаjытдыгдан сонра Гызы Фатимәнин (сәламуллаһи әлеjһа) дүнjаjа ушаг ҝәтирдиjи хәбәрини ештҹәк Әлинин евинә ҝәлди вә көрпәни гуҹағына алараг бағрына басыб jанагларындан өпдү. Ислам Пеjғәмбәри (сәлләллаһу әлеjһи вә алиһ) көрпәjә Зеjнәб (сәламуллаһи әлеjһа) адыны верди. Мәнасы Атасынын Зинәти демәкдир.
Ләгәбләри
Ханым Зеjнәбин (сәламуллаһи әлеjһа) чохлу ләгәби вардыр лакин биз онлардан бир нечәсини тәгдим едирик: Үммүл Күлсүм, Сиддигәи Суғра, Исмәти Суғра, Намусул Кубра, Вәлиjjәтуллаһил Узма, Шәрикәтүл Һүсеjн, Алимәтун геjри Мүәллимә вә Фазиләтун Камилә вә . с.
Пеjғәмбәрин Сәһабәси
Һәзрәти Зеjнәб (сәламуллаһи әлеjһа) өмрүнүн 6 илә jахыны Ислам Пеjғәмбәринин jанында олуб бу сәбәбдән дә о Пеjғәмбәрин бөjүк сәһабәләриндән бири саjылыр. Ханәм Зеjнәб (сәламуллаһи әлеjһа) Ислам Пеjғәмбәриндән (сәлләллаһу әлеjһи вә алиһ) һәдисләр рәваjәт етмишдир.
Аилә Һәjаты
Ханым Зеjнәб (сәламуллаһи әлеjһа), өзүндән 5 ил бөjүк олан Тәгва саһиби, Пеjғәмбәрин Сәһабәси вә өз әмиси оғлу (Ҝәфәри Тәjjарын оғлу) Әбдуллаһ ибн Ҹәфәр ибн Әбу Талиб илә аилә һәjаты гуруб.
Аилә һәjаты гурдугда Заным Зеjнәб (сәламуллаһи әлеjһа) Әбдуллаһ илә меһриjjәсиндә ики шеjи шәрт етмишдир: 1- Һәр ҝүн бир дәфә гардашы Һүсеjнин (әлеjһи сәлам) ҝөрүшүнә ҝетмәк. 2- Гардашы Һүсеjн һәр заман сәфәрә ҝетдикдә Әбдуллаһ да Ханым Зеjнәбә (сәламуллаһи әлеjһа) Һүсеjнлә сәфәрә ҝетмәjә разылыг вермәлидир. Бу мүштәрәк һәjатдан онларын үч оғлу вә бир гызы дүнjаjа ҝәлиб.
Диггәт: Хәбәрдән истифадә етдикдә мәнбәjә истинад лазымдыр
