Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Иршад вә Мәдәниjjәт Назири Әли Ҹәннәти мартын 3-дә сәдирлик етдиjи Назирлиjин Шәрги Азәрбаjҹан әjаләти үзрә идарәсинин jени рәиси Әли Әкбәр Сәфипуру идарәнин коллективинә тәгдим едиб.
Мәрасим әjаләтин мәркәзи шәһәри олан Тәбриздә кечирилиб.
Јени идарә рәисинин коллективә тәгдим олунмасы мәрасиминдә чыхыш едән Назир Әли Ҹәннәти jерли әһалинин Азәрбаjҹан Дили Академиjасынын jарадылмасы илә бағлы тәләбиндән дә данышыб.
Әли Ҹәннәти деjиб: “Азәрбаjҹан һәмишә мәдәниjjәтсевәр инсанларын jурду олуб. Азәрбаjҹанлыларын Иранын башуҹалығы уғрунда ҝөстәрдиjи хидмәтләр һамыjа бәллидир, бу, дилләр әзбәридир.
Азәрбаjҹан түркҹәсинин бир ҹанлы дил олдуғуну, әһалинин өлкәнин мүхтәлиф jерләриндә бу дилдә данышдығыны нәзәрә алараг һесаб едирәм ки, Азәрбаjҹан Дили Академиjасынын jарадылмасы зәруридир. Әһалинин бунунла бағлы тәләби һаглы тәләбдир. Һөкумәт белә бир гурумун jарадылмасына jардым етмәjә һазырдыр”.
Диггәт: Хәбәрдән истифадә етдикдә мәнбәjә истинад лазымдыр
