Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Јени Азәрбаjҹан Партиjасы иҹра катибинин мүавини Мүбариз Гурбанлы “Олаjлар” гәзетинә мүсаһибәсиндә Украjнада баш верән һадисәләрдән данышыб вә бу һадисәләрдә хариҹи амилин тәсиринин олмадығыны деjиб. Депутатын сөзләринә ҝөрә, мәмур һарынлығы, Јануковичин өзүнүн сәһв сиjасәти бу ҹүр һадисәләрә ҝәтириб чыхарыб.
М.Гурбанлы билдириб ки, мәһз jухарыларын сәрт вә сәһв сиjасәти бу ҹүр ингилаблары jетишдирир. Милләт вәкилинин өзләринә ҝөрә, Јануковичин һакимиjjәтиндәки бу вә jа диҝәр нөгсанлары, геjри-гануни һәркәтләри ифша едәҹәк вә jа онун гаршысыны алаҹаг, ону заманында әзә биләҹәк бир сиjасәт jеритмиш олсаjды, о һадисәләр баш вермәзди.
Амма мараглыдыр ки, ЈАП-чы депутат Азәрбаjҹанда вәзиjjәтин тамамилә фәргли олдуғуну вә хариҹи ҹәһдләрин өлкәмиздә алынмадығыны деjир.
М.Гурбанлынын Азәрбаjҹаны ингилабларын баш вердиjи диҝәр өлкәләрлә мүгаjисә етмәмәси анлашыландыр. Чүнки бир гаjда олараг рәсмиләр өлкәдә jаранан аҹынаҹаглы дуруму етираф етмәк истәмир. Бир гаjда олараг өлкәдә һәр һансы проблемлә бағлы етиразлар баш галдыранда, наразылыг jарананда бурда хариҹи амилин ролу ахтарылыр. М.Гурбанлынын Украjнадакы вәзиjjәти Азәрбаjҹанла мүгаjисә етмәмәси дә бунун ҝөстәриҹисидир.
Диггәт: Хәбәрдән истифадә етдикдә мәнбәjә истинад лазымдыр
