Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн Гафгаз Мүсәлманлары Идарәсиндә (ГМИ) диндарларын иштиракы илә кечирилән тәдбирдә ГМИ сәдри Шеjхүлислам Һаҹы Аллаһшүкүр Пашазадә сон вахтлар Суриjа вә башга өлкәләрә шәһадәт архасынҹа ҝедәнләрлә бағлы Азәрбаjҹандакы мәсҹидләрдә имамлар вә ахундлар гаршысында тәләб гоjараг деjиб: “Азәрбаjҹанда бир-бирини дини тәригәтләрә бөләрәк, ашағылаjырлар ки, бу да ҹинаjәтдир, jолверилмәздир”.
О геjд едиб ки, сон вахтлар белә һаллар артыб: “Мән шәхсән һеч бир тәригәтдән деjиләм, мән Мүсәлманам. Чүнки Исламда дини тәригәтләрә бөләрәк бир-бирини ашағыламаг jолверилмәздир. Бу ҹинаjәтдир. Суриjада инди шәһадәт адыjла ҝедиб дөjүшүрләр ки, бу да дүзҝүн деjил. Өзү дә пула ҝөрә ҝедиб дөjүшүрләр. Пеjғәмбәр (ә) буjуруб ки, пулла ҝедиб дөjүшмәк шәһадәт саjылмыр. Әминәм ки, дөвләт бунунла бағлы һансыса тәдбир ҝөрәҹәк. Чүнки бу, Ислама гаршы jолверилмәздир”.
P.S: Аллаһшүкү Пашазадәнин чыхышындакы “Мән шәхсән һеч бир тәригәтдән деjиләм, мән Мүсәлманам” ифадәси ҝөрәсән Сүнни вә Шиәләрин биз “Мүсәлман деjилик” мәнтигиними чатдырыр?! Јохса Шеjх һәзрәтләри jени бир тәригәтин “Мүсәлманчылығын” ибда едилмәсиндән хәбәр верир?!
Диггәт: Хәбәрдән истифадә етдикдә мәнбәjә истинад лазымдыр
