Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, өтән ҝүн нөвбәти анти-Шиә әмәлиjjатлары заманы азғын тәкфирчи-сәләфи үнсүрләри Карачи шәһәриндәки “Ҹәнаһ” хиjабанында ики Шиә гардашы шәһид едибләр.
Карачи шәһәр полисинин вердиjи мәлумата ҝөрә, 35 jашлы Муддәбир Рза вә 33 jашлы Һеjдәр Рза гардашлары ишдән евләринә гаjыдаркән, jолда матосиклетә минмиш тәкфирчиләр одлу силаһлардан атәш ачараг, һәр ики гардашы jериндәҹә гәтлә jетирәрәк Шәһид етмишләр.
Јараглыларын ҹинаjәт jерини тәрк едәрәк гачдгларыны билдирән Баш Полис Забити Пир Муһәммәд Шаһ деjиб: “Һәр ики гардашын ҹәсәдләри мүаjинә үчүн “Ҹинаһ Тибб Мәркәзи”нә апарылыб”.
Баш Полис Забити Пир Муһәммәд Шаһ даһа сонра деjиб: “Ҹәсәдләрин jухары бәдән наһиjәләринә чохлу саjда ҝүллә мәрмиси дәjиб. Биз ҹәсәдләрдән чыхарылмыш ҝүлләләри, һәмчинин һадисә сәһнәсиндә jерә дүшмүш ҝүллә мәрмиләрини топлаjараг анализ үчүн лазымы органлара тәгдим етмишик”.
Геjд едәк ки, бу ики гардашын гәтлә jетирилмәси илә өтән ики һәфтә әрзиндә сәләфи jараглылары тәрәфиндән Шәһид олан Шиәләрин саjы 20 нәфәр чатыб.
Диггәт: Хәбәрдән истифадә етдикдә мәнбәjә истинад лазымдыр
