Әһли Беjт (әлеjһимус сәлам) -АБНА- Хәбәр Аҝентлиjи- Имам Һүсеjн (әлеjһис сәлам) мүсибәтинә әзадарлыг кечиртмәк Әһли-Беjт (әлеjһимус сәлам) мәктәбини jашадар вә нәсилдән-нәслә өтүрәр. Бу әзадарлыгларын чох саjда фаjдасы вардыр ки, онлардан 5-нә ишарә едәк.
1. Ҝүнаһлар бағышланар.
Әзадарлығын ҝәтирдиjи биринҹи фаjда - ҝүнаһларын бағышланмасыдыр. Әҝәр бир инсан Имам Һүсеjн (әлеjһис сәлам) әзадарлығына дахил оларса, әзадарлыг едәрсә, ҝүнаһлары бағышланмыш олар. Мәсумлардан (әлеjһимус сәлам) ҝәлән һәдисләрдә охуjуруг ки, Имам Һүсеjн (әлеjһис сәлам) үчүн ҝөз jашы төкмәк беһишти инсана ваҹиб едәр. Она ҝөрә дә бу феjздән мәһрум галмаjаг.
2. Чох саjда саваб ҝәтирәр.
Мәсумларын (әлеjһимус сәлам) нәзәринә ҝөрә Имам Һүсеjн (әлеjһис сәлам) әзадары вә зәвварына һәҹҹ вә үмрә савабы jазылар. Бүтүн әмәлләрдән фәзиләтли һесаб едилир. Һәдисләрдә охуjуруг ки, Имам Һүсеjн (әлеjһис сәлам) әзадарларынын вә зәвварларынын савабы о гәдәр чохдур ки, санки Сүбһан Аллаһы әршдә зиjарәт едәрләр. Имам Һүсеjни (әлеjһис сәлам) jахындан вә узагдан зиjарәт етмәк она бәнзәjәр ки, әҝәр Аллаһын ҹисми әрши олсаjды, биз ону зиjарәт едә биләрдиниз.
Имам Һүсеjн (әлеjһис сәлам) үчүн ҝөз jашы төкмәк ҝүнаһларын бағышланмасынын васитәләриндән биридир. Имам Һүсеjн (әлеjһис сәлам) әзадары ҝәрәк һәзрәтлә (ә) мәнәви рабитә гурсун. Бу мәнада ки, Имам Һүсеjнә (әлеjһис сәлам) дуjдуғу севҝинин өлчүсү гәдәр ҝүнаһларындан нараһат олмалыдыр. Әҝәр кимсә әзадарлыг үчүн мәҹлисә дахил оларса, төвбә едиб, ҝүнаһларындан пешман оларса, ҝүнаһлары һәр нә гәдәр бөjүк вә jа кичик олурса-олсун, бағышланаҹагдыр. Беләликлә Имамла (әлеjһис сәлам) мәнәви рабитә jаратмағын әмәли jолу төвбәдир. “Шүбһәсиз, Аллаһ (төвбә илә) бүтүн ҝүнаһлары (һәтта ширки) бағышлаjыр”. (“Зумәр” 53).
3. Ҝөзәл агибәтә чатар.
Әзадарлығын үчүнҹү фаjдасы будур ки, инсанын агибәтини хеjирли едәр. Чүнки Имам Һүсеjнин (әлеjһис сәлам) әли һәмишә әзадарларынын үзәриндә олар. Она ҝөрә дә пис агибәтдән аманда галар. Белә бир инсан өлән заман Әһли-Беjти (әлеjһимус сәлам) ҝөрәр. Һәзрәт она jардыма ҝәләр. Тәҹрүбә дә ҝөстәрир ки, о кәсләр ки, руһаниjjәт, мәсҹид вә әзадарлыг мәсҹлисләри илә рабитәдәдир, агибәти хеjирли олар.
4. Әһли-Беjт (әлеjһимус сәлам) мәктәбини дирчәлдәр.
Дөрдүнҹү фаjдасы будур ки, әзадарлыг Ислам дининин давамлы олмасынын вә Әһли-Беjт (әлеjһимус сәлам) мәктәбинин дирчәлтмәjин амилидир. Имам Һүсеjн (әлеjһис сәлам) Ислам дининин дирчәлмәси үчүн Кәрбәлаjа ҝәлди. О заман Ислам дини тәһлүкәдә иди вә Әһли-Беjт (әлеjһимус сәлам) давамчылары әгидәләрини бәjан едә билмирдиләр. Анҹаг Имамын (әлеjһис сәлам) шәһадәти бу вәзиjjәти дәjишир. Она ҝөрә дә Ислам дини вә Әһли-Беjт (әлеjһимус сәлам) мәктәби jенидән дирчәлди. Арадан ҝетмәкдә олан Пеjғәмбәр (сәлләллаһу әлеjһи вә алиһ) сүннәти jенидән дирчәлди. Она ҝөрә дә әҝәр әзадаралыглар Гиjамәт ҝүнүнә гәдәр давам едәрсә, Ислам дини дә галыҹы олар вә Әһли-Беjт (әлеjһимус сәлам) мәктәби һәмишә ҹанлы галар. Елә буна ҝөрә дә деjирләр ки, әзадарын савабы һәҹҹ вә үмрә савабындан да чохдур. О кәсләр ки, Имам Һүсеjн (әлеjһис сәлам) әзадарлығына әһәмиjjәт верәр, һәзрәтин сәһабәләри кими олар.
5. Дуалары гәбул олар.
Әзадарлыгларын фаjдаларындан бири дә дуаларын гәбул олмасыдыр. Мәһрум Аjәтуллаһ Дәстғеjб нәгл едир: “Ширазда гарын jаталығы хәстәлиjи jаjылмышды. Инсанларын чоху она тутулмушдулар. О заман бу хәстәлиjин дәрманы jох иди вә һамы өлүм тәһлүкәсиндә иди. Бу аиләләрдән биринин үзвү нәгл едир ки, бир ҝүн гоншумуз рөвзә мәҹлиси тәшкил етмишди. Мән дә о мәҹлисә ҝетдим вә Имам Һүсеjн (әлеjһис сәлам) үчүн ҝөз jашы төкдүм. Һәзрәт Зәһрадан (сәламуллаһи әлеjһа) аиләм үчүн шәфа истәдим. Евә гаjыдан заман тәәҹҹүбләндим вә ҝөрдүм ки, арвад-ушағым масанын архасында әjләшиб jемәк jеjирләр. Гызым деди: “Атаҹан, Һәзрәт Зәһра (сәламуллаһи әлеjһа) бу отаға ҝәлмиш вә әjнинә гара ҝеjинмишди. Әjләшиб Имам Һүсеjнә (әлеjһис сәлам) буjурду ки, онларын башына әл чәк ки, jахшы олсунлар. Имам Һүсеjн (әлеjһис сәлам) дә һәр биримизин башына әлини чәкди вә һамымыз jахшы олдуг”.
Имам Һүсеjн (әлеjһис сәлам) мүсибәти һәр бир Әһли-Беjт (әлеjһимус сәлам) давамчысынын гәлбиндә көз бағламыш jарадыр вә бу jара һәр ил Мәһәррәм аjында көзәрәр вә шөләләнәр. Әһли-Беjт (әлеjһимус сәлам) давамчысы әзадарлыг мәҹлисләриндә бу jанҝысыны jатыздырмаға чалышыр вә ҝөз jашы төкәрәк, синә вурараг, мәрсиjәләрә гулаг асараг Һәзрәтин (әлеjһис сәлам) мүсибәтини ҹанлы сахлаjар вә Әһли-Беjт (әлеjһимус сәлам) мәктәбини дирчәлтмиш олар.
Диггәт: Хәбәрдән истифадә етдикдә мәнбәjә истинад лазымдыр
